“ఊహ తెలిసినప్పటి నుంచి అన్నీ నాన్నే.!” ఎమోషనల్ అయిన ఇంద్రజ.. వైరల్ గా మారిన వీడియో..!

బుల్లితెరపై ఎక్కువగా పాపులారిటీ తెచ్చుకున్న షో అనగానే చాలామందికి టక్కున చెప్పే సమాధానం జబర్దస్త్, ఎక్సట్రా జబర్దస్త్ కామెడీ షో. ఎందుకంటే దాని టీఆర్ పీ రేటింగ్ ఆవిధంగా ఉంటుంది మరి. ఇందులో వచ్చి పాల్గొన్న ప్రతీ ఒక్కరు పేరు తెచ్చుకున్నారు. తెలుగు సినీ నటి ఇంద్రజ గురించి ప్రత్యేకంగా చెప్పాల్సిన అవసరం లేదు.

హీరోయిన్ గా పలు సినిమాలలో నటించి మంచి గుర్తింపు తెచ్చుకుంది. తర్వాత జబర్దస్త్ కామెడీ షోతో జడ్జిగా పరిచయమైన ఇంద్రజ.. బుల్లితెరపై అతి తక్కువ సమయంలో ప్రేక్షకులను మెప్పించింది. జబర్దస్త్ కామెడీ షో ద్వారా అందరినీ మెప్పించిన ఇంద్రజ తర్వాత ఈటీవీలోనే ప్రసారం అవుతున్నా మరో ఎంటర్టైన్మెంట్ షో శ్రీదేవి డ్రామా కంపెనీల్లో కూడా పాల్గొని తన డాన్సులతో, నవ్వులతో బాగా సందడి చేస్తుంది. ఇలా తెలుగు ఆడియెన్స్ కు టచ్ లో ఉంటూ ఇంద్రజ పలు షోలో కనిపిస్తుంది.

తాజాగా ఇంద్రజ స్టార్ మాలో ప్రసారం అవుతున్న సిక్స్త్ సెన్స్ కామెడీ షోలో పాల్గొని ఎమోషనల్ అయ్యారు. ఇందులో ఓంకార్ హోస్టింగ్ చేస్తూ.. వచ్చిన సెలబ్రిటీలను టెన్షన్ లో ముంచుతాడు. దీంతో ఈ వారం ఎపిసోడ్ లో ఇంద్రజ పాల్గొంది. ఆమెతో పాటు సుడిగాలి సుధీర్ కూడా పాల్గొన్నాడు. షో మధ్యలో ఇంద్రజ కుటుంబానికి సంబంధించి ఒక ఫొటోను ఓం కార్ డిస్ ప్లే లో చూపించారు.

అందులో ఆమె తన నాన్నతో పాటు కుటుంబసభ్యులు ఉన్నారు. దాంతో తన ఫ్యామిలీ గురించి కొన్ని విషయాలు షోలో పంచుకుంది. తన తండ్రి అంటే ఇష్టమని చిన్నప్పటి నుంచి అన్నీ ఆయనే అంటూ బాగా ఎమోషనల్ అయ్యింది. తండ్రి ప్రేమ ఎంతో స్వచ్చమైనదంటూ.. తండ్రి లేకుంటే కుంటుంబం అనేది ఉండదని ఆమె చెబుతూ కాస్త ఎమోషనల్ అయ్యారు.