Jayasudha: మూడో పెళ్లిపై ఘాటు వ్యాఖ్యలు చేసిన జయసుధ…నేను ఇలాగే ఉంటానంటూ?

Jayasudha: టాలీవుడ్ ఇండస్ట్రీలో సీనియర్ హీరోయిన్గా ఎంతో మంచి గుర్తింపు సంపాదించుకున్నటువంటి వారిలో జయసుధ ఒకరు. ఈమె హీరోయిన్గా ఇండస్ట్రీలో ఎన్నో అద్భుతమైన సినిమాలలో నటించే ప్రేక్షకులను మెప్పించారు. ఇప్పటికీ పలు సినిమాలలో అమ్మ పాత్రలలో నటిస్తూ కెరియర్ పరంగా ఎంతో బిజీగా ఉన్నారు.

ఇకపోతే తాజాగా జయసుధ ఒక యూట్యూబ్ ఛానల్ ఇంటర్వ్యూలో పాల్గొన్నారు. ఈ ఇంటర్వ్యూ సందర్భంగా ఈమె తన వ్యక్తిగత విషయాలను వెల్లడించారు. ఈ క్రమంలోనే తాను మూడో పెళ్లి చేసుకున్నారు అంటూ పెద్ద ఎత్తున వార్తలు వైరల్ అయిన సంగతి తెలిసిందే.అంతేకాకుండా ఇటీవల కాలంలో జయసుధ ఎక్కడికి వెళ్లినా ఆమెతోపాటు మరో వ్యక్తి కూడా కనిపిస్తూ ఉండడంతో ఈ వార్తలు వైరల్ అయ్యాయి.

తాజాగా ఈ ఇంటర్వ్యూ సందర్భంగా జయసుధ మూడో పెళ్లి గురించి మాట్లాడుతూ చేసిన వ్యాఖ్యలు వైరల్ అవుతున్నాయి నేను కూడా రహస్యంగా మూడో పెళ్లి చేసుకున్నాను అంటూ వచ్చిన వార్తలను చదివానని తెలిపారు. అయితే ఆ వార్తలు రాసే వారి కంటే కింద కామెంట్లు చేసేవారు చాలా దారుణమైనటువంటి కామెంట్లు చేస్తున్నారని తెలిపారు.

దారుణమైన కామెంట్లు..
ఇక నేను నా విషయాల గురించి ఎవరికీ చెప్పదలుచుకోలేదు. నేను చెప్పిన చెప్పకపోయినా నా గురించి రాసే రాతలు రాస్తుంటారు అందుకే నేను ఈ విషయంపై మౌనంగా ఉన్నానని తెలిపారు. ఇక ఇటీవల కాలంలో తాను సోషల్ మీడియాను ఫాలో అవడం కూడా పూర్తిగా మానేశానని ఎవరు ఎన్ని అన్న నేను నా ఆలోచన విధానాన్ని నా వ్యవహార శైలిని మార్చుకోను అంటూ ఈ సందర్భంగా జయసుధ చేసిన వ్యాఖ్యలు వైరల్ అవుతున్నాయి.