Jr NTR: లే బాబాయ్ లేయ్… చలపతిరావు పార్తివదేహాన్ని చూసి ఎమోషనల్ అయిన తారక్!

Jr NTR: టాలీవుడ్ సీనియర్ నటుడు నిర్మాత చలపతిరావు ఆదివారం ఉదయం గుండెపోటుతో మరణించారు. ఇలా ఈయన మరణ వార్త తెలుసుకున్న టువంటి ఎంతోమంది సినీ సెలెబ్రెటీలు పెద్ద ఎత్తున తరలివచ్చి చలపతిరావుకు నివాళులు అర్పిస్తున్నారు. అయితే చలపతిరావు నందమూరి కుటుంబానికి ఎంతో మంచి ఆప్తుడు అనే విషయం మనకు తెలిసిందే.

సీనియర్ ఎన్టీఆర్ నుంచి మొదలుకొని జూనియర్ ఎన్టీఆర్ వరకు కూడా ఈయన వారి సినిమాలలో నటించి వారి కుటుంబంలో సభ్యుడిగా మెలిగారు.. ఇక జూనియర్ ఎన్టీఆర్ సైతం చలపతిరావును బాబాయ్ అంటూ ఎంతో ఆప్యాయంగా పిలిచేవారు. అయితే ఈయన మరణ వార్తా తెలుసుకున్నటువంటి ఎన్టీఆర్ ఒక్కసారిగా ఎమోషనల్ అయ్యారు.

ప్రస్తుతం ఎన్టీఆర్ తన ఫ్యామిలీతో కలిసి అమెరికా వెకేషన్ లో ఉన్నారు. అయితే చలపతిరావు మరణ వార్త తెలుసుకున్నటువంటి ఈయన వెంటనే చలపతిరావు కుమారుడు రవి బాబుకి వీడియో కాల్ చేసి చలపతిరావు ఎలా మరణించారనే విషయాలను తెలుసుకోవడమే కాకుండా వీడియో కాల్ ద్వారా ఆయనని చివరి చూపు చూస్తూ లే బాబాయ్ లేయ్ అంటూ ఎమోషనల్ అవుతూ కంటతడి పెట్టుకున్నారు.

Jr NTR: నందమూరి కుటుంబం తన ఇంటి సభ్యుడిని కోల్పోయింది…

ఇక ప్రస్తుతం ఇందుకు సంబంధించిన ఫోటోలు వీడియోలు సోషల్ మీడియాలో వైరల్ అవుతున్నాయి. అదేవిధంగా చలపతిరావు మరణం గురించి స్పందిస్తూ ట్విట్టర్ వేదికగా చేసినటువంటి ట్వీట్ వైరల్ అవుతుంది. చలపతిరావు గారి మరణ వార్త నన్ను ఎంతగానో కలిచి వేసింది. నందమూరి కుటుంబం ఇవాళ ఒక ఇంటి సభ్యుడిని కోల్పోయింది.తాత గారి నుంచి తమ కుటుంబానికి అత్యంత ఆప్తుడిగా ఉన్నటువంటి చలపతిరావు గారి మరణ వార్త ఇండస్ట్రీకి తీరని లోటు అంటూ ఎమోషనల్ అవ్వడమే కాకుండా ఆయన ఆత్మకు శాంతి చేకూరాలి అంటూ ట్వీట్ చేశారు.ఇక చలపతిరావు కుమార్తెలు అమెరికాలో ఉండటం వల్ల వారు వచ్చిన తర్వాత ఈయన అంత్యక్రియలు జరుగుతాయని రవిబాబు తెలియజేశారు.