KA Paul : నాకు మూడు ఓట్లనా?? న్యాయం కోసం సుప్రీం కోర్ట్ కి వెళ్తా : కే ఏ పాల్

KA Paul : తెలంగాణ ఉప ఎన్నిక ఎంత రసవత్తరంగా మారిందో అందరికీ తెలుసు. ఆల్రడీ సిట్టింగ్ లో ఉన్న కాంగ్రెస్ ఎమ్మెల్యే కోమటిరెడ్డి రాజగోపాల్ రెడ్డి పార్టీకి పదవికి రాజీనామా చేసి బీజేపీ లోకి వెళ్లిపోవడంతో ఉప ఎన్నిక అనివార్యమైంది. ఇక కాంగ్రెస్ స్థానం నిలుపుకోవడం కోసం కష్టపడితే ఎలాగైనా గెలిచి బీజేపీ బలం పెంచుకోవాలని బీజేపీ ప్రయత్నించింది. ఇక అధికార పక్షమైన తెరాస కోల్పోయిన స్థానాన్ని మళ్ళీ దక్కించికోవాలని సర్వశక్తులూ ప్రయోగించింది. అయితే ప్రచారం ముగిసి ఎన్నిక జరిగే రోజుకు వచ్చేసరికి బీజేపీ, తెరాస మాత్రమే మిగిలాయి. కాంగ్రెస్ మధ్యలోనే మిడిల్ డ్రాప్ అయింది. అయితే నువ్వా నేనా అన్నట్లుగా పోటీ పడిన తెరాస బీజేపీ లలో తెరాస గెలిచి తన ఖాతాలో మరో విజయాన్ని నమోదు చేసుకుంది. అయితే ఈ ఎన్నికలో అక్రమాలు జరిగాయాంటూ కేఏ పాల్ ఆరోపణలు చేస్తున్నారు.

నాకు పడిన ఓట్లు మూడేనా…

ప్రజా శాంతి పార్టీ నాయకుడు కేఏ పాల్ ఓట్ల లెక్కింపు తరువాత మాట్లాడుతూ తెరాస కుట్ర చేసింది అంటూ ఆరోపించారు. మునుగోడు లో 40 నుండి 60 శాతం వరకు మా పార్టీ కి ఓట్లు వేసారంటూ ప్రెస్ మీట్ లో పాల్ చెప్పారు. ఇక ఒక గ్రామంలో దాదాపు రెండున్నర వేల ఓట్లు మాకు పడితే లెక్కంచిన తరువాత కేవలం మూడు ఓట్లే పోలయ్యాయంటూ ఆరోపించారు. అయితే ఈవీఎం లతో ఎలక్షన్ జరపవద్దని ఎప్పటి నుండో చెబుతున్నా పట్టించుకోవడం లేదు, తెరాస పార్టీ కి అధికారులు తొత్తులుగా మారి ఈవీఎం టాంపరింగ్ చేసారని, పోలీసులు పక్కా తెరాస పార్టీ కార్యకర్తలుగా వ్యవహారిస్తున్నారు అంటూ ఆరోపించారు.

బ్యాలెట్ తో ఎన్నికలు జరిగితే ఓట్లన్నీ మా పార్టీకే పడతాయాని బ్యాలెట్ పద్దతిలో ఎన్నిలు జరుపలేదని చెప్పారు. ఎలక్షన్ అధికారులు వికాస్ కృష్ణ, రోహిత్ సింగ్ లను వివరణ అడిగినా స్పందించలేదు. అన్ని సాక్ష్యధారాలతో సుప్రీం కోర్ట్ లో ఈ ఎన్నికల ఫలితం మీద కేసు వేస్తాను, నూరు శాతం ఈ ఎన్నిక తప్పు అని నిరూపిస్తాను అంటూ చెప్పారు. తెరాస కి అనుకూలంగా బూత్ ఏజెంట్లు అలాగే ఎన్నికల అధికారులు పనిచేసారు అంటూ కే ఏ పాల్ ఆరోపించారు.