Kajal Aggarwal: మరోసారి తల్లి కాబోతున్న కాజల్.. ఇక సినిమాలకు దూరమైనట్టేనా?

Kajal Aggarwal: వెండితెర చందమామ కాజల్ అగర్వాల్ తన నటనతో ఎంతో మంది అభిమానులను సొంతం చేసుకున్న సంగతి మనకు తెలిసిందే.ఇలా వెండితెర నటిగా అన్ని భాషలలో సినిమాలు చేస్తూ ఎంతో మంచి గుర్తింపు సంపాదించుకున్న కాజల్ అగర్వాల్ 2020వ సంవత్సరంలో తన చిన్ననాటి స్నేహితుడిని వివాహం చేసుకున్న సంగతి తెలిసిందే.

వివాహం తర్వాత వైవాహిక జీవితంలో ఎంతో సంతోషంగా ఉన్న కాజల్ అగర్వాల్ నీల్ కిచ్లుఅనే అబ్బాయికి జన్మనిచ్చారు. ఇక ఈ ఏడాది ఏప్రిల్ తో ఈ బాబుకి ఏడాది కూడా పూర్తి అయింది. ఇక బాబు పుట్టిన తర్వాత కొంతకాలం పాటు ఇండస్ట్రీకి దూరంగా ఉన్నటువంటి కాజల్ అగర్వాల్ తిరిగి సినిమాలలోకి వచ్చారు.

ఈ క్రమంలోనే ఈమె కమిట్ అయినటువంటి ఇండియన్ 2సినిమా షూటింగ్లో పాల్గొంటున్నారు. అదేవిధంగా అనిల్ రావిపూడి దర్శకత్వంలో బాలకృష్ణ హీరోగా నటిస్తున్నటువంటి భగవంత్ కేసరి సినిమాలో కూడా కాజల్ అగర్వాల్ నటించే అవకాశాన్ని అందుకున్నారు. అయితే ఈ సినిమా తర్వాత కాజల్ తిరిగి సినిమాలలో కనిపించదన్న వార్త సోషల్ మీడియాలో వైరల్ గా మారింది.

Kajal Aggarwal:మరో బిడ్డకు జన్మనివ్వబోతున్న కాజల్..

కాజల్ అగర్వాల్ మరోసారి తల్లి కాబోతున్నారని అందుకే ఈమె సినిమాలకు దూరం కాబోతున్నారని తెలుస్తుంది. తన భర్త కోరిక మేరకు ఇంకొక బిడ్డకు జన్మనివ్వడానికి కాజల్ సిద్ధమయ్యారట.ఈ క్రమంలోనే ఈమె మరోసారి గర్భం దాల్చిందని అందుకే సినిమాలకు దూరం కాబోతున్నారన్న వార్త సోషల్ మీడియాలో చక్కర్లు కొడుతుంది.ఇలా కాజల్ రెండోసారి తల్లి కాబోతున్నారన్న వార్త అభిమానులకు నిజంగానే గుడ్ న్యూస్ అయినప్పటికీ ఈమె సినిమాలకు దూరమవుతారని తెలిసి ఆందోళన వ్యక్తం చేస్తున్నారు. మరి కాజల్ గురించి వస్తున్నటువంటి ఈ వార్తలలో ఎంతవరకు నిజం ఉందో తెలియాల్సి ఉంది.