చందమామ కాజల్ అగర్వాల్ తన చెల్లికోసం ఇప్పుడు తెగ తాపత్రయపడుతోందట. కాజల్ సినిమా ఇండస్ట్రీలోకి వచ్చి 15 ఏళ్ళు దాటిపోయినా అదే గ్లామర్ తో ఆకట్టుకుంటుంది. తరగని అందం కాజల్ సొంతం కావడంతో ఆమెకి వస్తున్నవన్నీ క్రేజీ ఆఫర్సే. సీనియర్ హీరోల సినిమా అంటే దర్శక, నిర్మాతలు ముందు కాజల్ పేరునే పరిశీలిస్తున్నారు. సీనియర్ దర్శకుల దగ్గర నుంచి యంగ్ టాలెంట్ వరకు కథ నచ్చితే ఎవరికైనా గ్రీన్ సిగ్నల్ ఇస్తోంది. ఆమె కెరీర్ లో మగధీర లాంటి ఇండస్ట్రీ హిట్స్ ఎన్నో ఉన్నాయి. హైయ్యెస్ట్ రెమ్యునరేషన్ కోసం ఎప్పుడు డిమాండ్ చేయలేదంటే అది కాజల్ మాత్రమే.
నిర్మాతలకి చుక్కలు చూపిస్తోంది. రెమ్యునరేషన్ పరంగా మేకర్స్ కి అందని ద్రాక్షపండులా ఉంది..కాజల్ డిమాండ్ చూసి నిర్మాతలు భయపడుతున్నారు..కాజల్ కి చాలా హెడ్ వెయిట్ అందుకే ఆ హీరో వద్దన్నాడు…ఇలాంటి మాటలు ఇప్పటి వరకు అటు తెలుగు గానీ ఇటు తమిళ, హిందీ ఇండస్ట్రీలలో గానీ వినిపించలేదు. అంతేకాదు అందరికీ కాజల్ మీద చాలా మంచి అభిప్రాయం ఉంది. ఒకరకంగా చెప్పాలంటే అనుష్క శెట్టి తర్వాత ఆ స్థాయి పాజిటివ్ టాక్ ఉంది కాజల్ మీదే అని చెప్పాలి. ఇక ఆమె నిర్మాతల హీరోయిన్. బడ్జెట్ ను బట్టి రెమ్యునరేషన్ తీసుకుంటుంది. ఇచ్చిన డేట్స్ ఏ రోజూ క్యాన్సిల్ చేసిన దాఖలాలు లేవు.
అందుకే కాజల్ ఇన్ని క్రేజీ ప్రాజెక్ట్స్ చేయగలుగుతోంది. గత ఏడాది తన స్నేహితుడు గౌతం కిచ్లుని పెళ్ళి చేసుకున్న సంగతి తెలిసిందే. ఆమె పెళ్ళి చేసుకోక ముందు కమిటయిన సినిమాలతో పాటు పెళ్ళి తర్వాత కూడా నాగార్జున లాంటి అగ్ర హీరోల సినిమాలను అంగీకరిస్తోంది. అయితే ఇటీవల కాజల్ .. నా భర్త ఎప్పుడు సినిమాలకి గుడ్ బై చెప్పమంటే అప్పుడు చెప్పేస్తా అంటూ ఆసక్తికరమైన వ్యాఖ్యలు చేసి హాట్ టాపిక్ అయింది. దాంతో పెళ్లి తర్వాత కాజల్ సినిమాలకి దూరం కాదనుకున్న వాళ్ళు..ఇక ఎప్పుడైనా బై బై చెప్పేస్తుందని ఫిక్సైపోయారు.
అయితే ఇప్పుడు కాజల్ తన చెల్లి నిషా అగర్వాల్ రీ ఎంట్రీ కోసం చాలా తాపత్రయపడుతుందట. ఏమైంది ఈ వేళ సినిమాతో హీరోయిన్గా పరిచయం అయిన నిషా అగర్వాల్ చాలా తక్కువ సినిమాలు చేసి పెళ్లి చేసుకొని సినిమాలకి గుడ్ బై చెప్పేసింది. మళ్ళీ ఇంత కాలానికి సినిమాలలో రీ ఎంట్రీ ఇవ్వాలని చూస్తోందట. ఆ మేరకు కాజల్ గట్టి ప్రయత్నాలు చేస్తున్నట్టు ఇండస్ట్రీలో చెప్పుకుంటున్నారు. పెళ్ళైన వారిని అంత త్వరగా హీరోయిన్ పాత్రలకి తీసుకోవాలంటే మేకర్స్ ఆలోచిస్తారు. అంతగా ఆసక్తి చూపించరు. మరి చెల్లి నిషా అగర్వాల్ రీ ఎంట్రీ కోసం కాజల్ చేసే ప్రయత్నాలు ఎంతవరకు ఫలిస్తాయో చూడాలి.
వ్యవసాయం అనేది దేశ ఆర్థిక వ్యవస్థకు వెన్నెముక. రైతు సంతోషంగా ఉంటేనే గ్రామీణ ఆర్థిక వ్యవస్థ బలోపేతం అవుతుంది. అయితే…
అమెరికా మాజీ అధ్యక్షుడు, ప్రస్తుతం దేశ రాజకీయాల్లో అత్యంత ప్రభావశీల నాయకుడిగా కొనసాగుతున్న డొనాల్డ్ ట్రంప్ మరోసారి వలసల అంశంపై…
ఈ రోజుల్లో మనం దుస్తులు కొనేటప్పుడు ఎక్కువ సమయం రంగు, డిజైన్ లేదా ధర గురించి ఆలోచిస్తాం. కానీ వాటన్నింటికంటే…
రాజకీయ నాయకుడిగా, సినీ నటుడిగా కోట్లాది మంది అభిమానులను సంపాదించుకున్న ఆంధ్రప్రదేశ్ ఉప ముఖ్యమంత్రి, జనసేన పార్టీ అధినేత పవన్…
జామపండు అంటే చాలా మందికి ఇష్టమైన పండు. తక్కువ ధరలో లభించే ఈ పండులో ఆరోగ్యానికి అవసరమైన ఎన్నో పోషకాలు…
తెలుగు బుల్లితెర ప్రేక్షకులకు యాంకర్గా, నటిగా ప్రత్యేక గుర్తింపు సంపాదించుకున్న శ్రీముఖి మరోసారి వార్తల్లో నిలిచింది. తన చురుకైన యాంకరింగ్,…