విడాకులు తీసుకోబోతున్న ప్రియాంక చోప్రా జంట..? నెట్టింట్లో తీవ్ర దుమారం!

సాధారణంగా సినిమా ఇండస్ట్రీలోనే సెలబ్రిటీల జీవితం ఇతరుల జీవితం కన్నా ఎంతో భిన్నంగా ఉంటుంది. వారు ఒకరితో ప్రేమలోపడి.. డేటింగ్ చేసి పెళ్లి వరకు వెళ్లి బ్రేకప్ చెప్పుకునే సందర్భాలు ఎన్నో ఉంటాయి. అదే విధంగా మరికొన్ని జంటలు పెళ్లి చేసుకున్న తర్వాత కొన్ని వ్యక్తిగత కారణాల వల్ల విడిపోతూ ఉంటారు. ఇలా ఎంతో మంది సెలబ్రిటీలు వారి జీవిత భాగస్వామితో విడాకులు తీసుకున్నారు. ముఖ్యంగా ఇలాంటి సంస్కృతి బాలీవుడ్ ఇండస్ట్రీలో అధికంగా ఉంది.

ఈ క్రమంలోనే బాలీవుడ్ స్టార్ హీరోయిన్ గా ఎంతో పేరు సంపాదించుకున్న ప్రియాంక చోప్రా తనకంటే పదేళ్లు చిన్నవాడైన అమెరికన్ సింగర్ నిక్ జోనాస్‌తో డేటింగ్ చేసి అతన్నే పెళ్లాడింది. పెళ్లి తర్వాత ఈ జంట ఎంతో అన్యోన్యంగా రొమాంటిక్ పెయిర్ గా కొనసాగుతున్నారు. పెళ్లి తర్వాత అమెరికాలోని స్థిరపడిన ఈ జంట గురించి తాజాగా ఓ వార్త సోషల్ మీడియాలో చక్కర్లు కొడుతోంది.

బాలీవుడ్ స్టార్ హీరోయిన్ గా ఎంతో పేరు ప్రఖ్యాతలు సంపాదించుకున్న ప్రియాంక చోప్రా రాబోయే 10 సంవత్సరాలలో తన భర్తతో విడాకులు తీసుకోబోతోందని జోస్యం చెప్పాడు సినీ విశ్లేషకుడు కమల్‌ ఆర్‌ ఖాన్‌. ”నిక్ జోనాస్‌కు 10 ఏళ్లలో ప్రియాంక విడాకులు ఇవ్వడం తథ్యం” అని పేర్కొంటూ తన ట్విట్టర్ ఖాతాలో పోస్ట్ చేశారు.

ప్రస్తుతం ఈ ట్వీట్ సోషల్ మీడియాలో తీవ్ర దుమారం రేపుతోంది. ఈ ట్వీట్ చూసిన నెటిజన్లు మరో పది సంవత్సరాలలో నువ్వు కూడా చస్తావ్ అంటూ కౌంటర్ ఇస్తున్నారు.అదేవిధంగా మరికొందరు వారు విడిపోవాలని కోరుకునే హక్కు నీకు లేదంటూ కమల్ పై తీవ్ర ఆగ్రహం వ్యక్తం చేస్తున్నారు. ప్రస్తుతం కమల్ చేసిన ట్వీట్ బీ టౌన్ లో చర్చనీయాంశంగా మారింది.