Karate Kalyani: తేజస్వి మదివాడ, అన్వేషి జైన్, సీమర్ సింగ్, తనిష్క్ రాజన్, అమిత్ తివారి, సూర్య శ్రీనివాస్, అభయ్ రెడ్డి కీలక పాత్రలలో నటించిన సినిమా కమిట్మెంట్. రచన మీడియా వర్క్స్ సమర్పణలో, ఎఫ్ 3 ప్రొడక్షన్స్, ఫుట్ లూస్ ఎంటర్‌టైన్‌మెంట్స్ నిర్మించిన ఈ సినిమా ఇప్పటికే విడుదల కావాల్సి ఉండగా కొన్ని కారణాల వల్ల వాయిదా పడింది.
గత రెండు సంవత్సరాల క్రితమే ఈ సినిమాకి సంబంధించిన ట్రైలర్ విడుదల చేశారు. అప్పట్లో ఈ ట్రైలర్ ఓ రేంజ్ లో వైరల్ అయింది. తాజాగా ఈ సినిమా ఆగస్టు 19వ తేదీ విడుదల కావడానికి సిద్ధం కావడంతో మరోసారి ఈ సినిమా నుంచి ఇంకో ట్రైలర్ విడుదల చేశారు.అయితే ఈ ట్రైలర్ వీడియో ప్రస్తుతం సోషల్ మీడియాలో వైరల్ అవడమే కాకుండా పలు వివాదాలకు దారి తీస్తోంది.
ఇందులో తేజస్వి ఎంతో శృంగార భరితంగా నటించారని, లిప్ లాక్ సన్నివేశాలు బోల్డ్ సీన్స్ ఉండటమే కాకుండా ఇలాంటి బూతు సన్నివేశాలకు భగవద్గీత బ్యాగ్రౌండ్ మ్యూజిక్ పెట్టడం పెద్ద వివాదానికి దారి తీసింది. ఈ క్రమంలోనే బూతు వీడియోకి భగవద్గీత మ్యూజిక్ ఎలా పెడతారు అంటూ ఈ ట్రైలర్ పై కేసు వేశారు.
Karate Kalyani: హిందువుల మనోభావాలను కించపరిచారు….
ఈ క్రమంలోనే ఈ వివాదం పై నటి కరాటే కళ్యాణి స్పందించారు. ఈ సందర్భంగా ఈమె ఈ ట్రైలర్ వీడియో పై స్పందిస్తూ ఈ బూతు వీడియోకి భగవద్గీత శ్లోకం ఉండటాన్ని ఆమె తీవ్రంగా ఖండించింది. ఇలా భగవద్గీత శ్లోకం ఉపయోగించి హిందువుల మనోభావాలను దెబ్బతీశారు అంటూ కరాటే కళ్యాణి ఆగ్రహం వ్యక్తం చేసింది. ఈ క్రమంలోనే ఈ విషయంపై ఈమె పోలీసులకు కూడా ఫిర్యాదు చేసి ఆగ్రహం వ్యక్తం చేశారు. మరి ఈ విషయంపై చిత్ర బృందం ఏ విధంగా స్పందిస్తారో తెలియాల్సి ఉంది..l