తలుపు తట్టిన అదృష్టం.. రూ. కోటి గెలుచుకున్న ప్లంబర్.. ఎలా అంటే..?

అదృష్టం ఎటు నుంచి తలుపు తడుతుందో తెలియదు. అప్పడే మనం వాటిని అందుకోవాలి.. లేదంటే మరో సారి ఆ అవకాశం రాదు. ఏం చేసినా.. అదృష్టం ఉండాలి అని అంటుంటారు.. ఇది నిజమే. ఎంత కష్టం చేసినా కాస్తంత అదృష్టం ఉంటే ఉన్నత స్థానాలకు చేరుకుంటారు. లేక పోతే ఎక్కడ నుంచి జీవితం మొదలు పెట్టామో అక్కడే ఉంటాం. అయితే ఇలాంటి లక్ తో ఓ వ్యక్తి రాత్రికి రాత్రే కోటీశ్వరుడు అయ్యాడు.

అతడికి లాటరీ తగిలింది అనుకుంటున్నారా.. కాదు.. అతడు క్రికెట్ బెట్టింగ్ లో రూ.కోటి గెలుచుకున్నాడు. పూర్తి వివరాల్లోకి వెళ్తే.. క్రికెట్ బెట్టింగ్ అంటే ముఖ్యంగా డ్రీమ్ 11 గుర్తుకు వస్తుంది. దీనిలో పాల్గొనే వారు తనకంటూ ఉన్న 22 మంది టీమ్ సభ్యుల్లో 11 మందిని ఎంచుకొని అందులో బెట్టింగ్ పెడతారు.ఇలా అతడు ప్రెడిక్ట్ చేసిన ఓ ప్లంబర్ ఏకంగా రూ.కోటి గెలుచుకున్నాడు.

అందులో రూ.30 లక్షలు ట్యాక్స్ కింద పోగా.. రూ.70 లక్షలు తన అకౌంట్లో పడ్డాయని చెప్పుకొచ్చాడు. పూర్తి వివరాల్లోకి వెళ్తే.. బిహార్‌లోని కటిహార్‌ జిల్లా మనిహారీకి చెందిన బబ్లూ మండల్‌ హంస్‌వర్‌ గ్రామంలో ప్లంబింగ్‌ పనులు చేస్తున్నాడు. ప్రస్తుతం ఐపీఎల్ సీజన్ నడుస్తున్న విషయం తెలిసిందే. అతడికి తన స్నేహితుడు ఈ డ్రీమ్ 11 గురించి చెప్పాడట.

ఎలా ఆడాలో అతడే నేర్పించాడు. దీంతో మొదటి నుంచి అతడు రూ.200 తో బెట్టింగ్ మొదలు పెట్టాడు. అయితే మొన్న క్వాలిఫయర్‌-1 మ్యాచ్‌పై అంటే చెన్నై మరియు ఢిల్లీపై బెట్టింగ్ పెట్టాడు. కోటి రూపాలయలు గెలుచుకున్నాడు. వచ్చిన డబ్బులతో ఓ ఇల్లు కట్టుకుంటానని.. మిగిలిన డబ్బులతో దేవాలయానికి విరాళంగా ఇస్తానన్నాడు.