Keeravani father Shiva Shakthi Datha : 300 ఎకరాల ఆస్తులు పోవడానికి కారణం… కీరవాణి, రాజమౌళి పడ్డ కష్టాలు… రోజు గడవని రోజులు…: శివ శక్తి దత్త

Keeravani father Shiva Sakthi Datha : ప్రస్తుతం తెలుగు సినిమాను అంతర్జాతీయ వేదిక మీద ఉంచి తెలుగు సినిమా గౌరవాన్ని అలాగే ఇండియన్ సినిమా గౌరవాన్ని నిలబెట్టిన ఘనత డైరెక్టర్ రాజమౌళికి దక్కుతుంది. రాజమౌళి గారి సినిమా అంటే అది ఫ్యామిలీ ప్యాకేజ్. వాళ్ళ ఇంట్లో దాదాపు అందరూ సమిష్టిగా కృషి చేసి సినిమాను తీస్తారు. రాజమౌళి దర్శకత్వం వహిస్తే కీరవాణి సంగీతం, ఇక కీరవాణి భార్య వల్లి గారు ప్రొడక్షన్ చూసుకుంటే, రమ రాజమౌళి కాస్టుమ్స్ చూసుకుంటారు. ఇక కీరవాణి కొడుకు కాల భైరవ పాటలు పడుతారు. ఇక రాజమౌళి కొడుకు కార్తీక్ కూడా సినిమాలో పనిచేస్తున్నారు. ఇలా మొత్తం కుటుంబం పనిచేస్తూ సక్సెస్ కొడుతున్నారు. ఇక రాజమౌళి కీరవాణిల తండ్రులు ఇద్దరూ సోదరులు, వాళ్ళది ఉమ్మడి కుటుంబం. ఇండస్ట్రీలో పెద్ద కుటుంబంగా కీరవాణి, రాజమౌళి గారి కుటుంబం ఉంది.

ఆస్తులన్నీ సినిమాల కోసం పోయాయి…

రాజమౌళి గారి తండ్రి విజయేంద్ర ప్రసాద్ గారు అలాగే కీరవాణి గారి తండ్రి శివ శక్తి దత్త గారు అన్నదమ్ములు. శివ శక్తి దత్త గారికి నలుగురు తమ్ముళ్లు అలాగే ఒక అక్క ఉన్నారు. కర్ణాటకకు వలస వెళ్లిన వారి కుటుంబం అక్కడ 300 ఎకరాల భూమి ఉండేదంటూ శివ శక్తి దత్త గారు ఇటీవల ఒక ఇంటర్వ్యూలో పంచుకున్నారు. అయితే తొలి నుండి సినిమాల్లోకి వెళ్లాలనే ఆసక్తి ఉండటం వల్ల శివ శక్తి దత్త గారు భూమిని కొంచం కొంచంగా అమ్మి చెన్నైలో సినిమాల్లో పెట్టారట.

ఇక మొత్తం ఆస్తి అమ్మేసి చెన్నై కి వెళ్లి అక్కడే స్థిరపడ్డారట. ఇక మొదట్లో బాగా ఇబ్బందులు ఎదుర్కొన్నారట. ఉమ్మడి కుటుంబంగానే ఉన్న వారి కుటుంబం పూట గడవడానికి కూడా ఇబ్బందులను ఎదుర్కొనేవారట. అయితే శివ శక్తి దత్త గారు, విజయేంద్ర ప్రసాద్ గారు కీరవాణి గారు ముగ్గురూ సినిమాల్లో సంపాదిస్తూ కుటుంబాన్ని పోషించారట.