Sudeep: బాలీవుడ్ చిత్రాలు ఆధిపత్యం ముగిసింది… మరోసారి బాలీవుడ్ పై సుదీప్ షాకింగ్ కామెంట్స్?

Sudeep: కన్నడ హీరోగా ఎన్నో సినిమాలలో నటించి ఎంతో మంచి గుర్తింపు సంపాదించుకున్న నటుడు సుదీప్ గత కొంతకాలం నుంచి వార్తలు నిలుస్తున్నారు. అయితే ఈయన జాతీయ భాష హిందీ కాదంటూ చేసిన వ్యాఖ్యలు తీవ్రదుమారం రేపాయి. గత 15 సంవత్సరాల క్రితం వరకు భారతీయ సినిమా అంటే కేవలం బాలీవుడ్ చిత్రాల గురించి మాత్రమే మాట్లాడేవారు అయితే ప్రస్తుతం ఈ విషయంలో మార్పు మొదలైంది.

గత రెండు సంవత్సరాల నుంచి భారతీయ సినిమా అంటే సౌత్ సినిమాలో కేరాఫ్ అడ్రస్ గా నిలబడ్డాయి. ఒకప్పుడు భారతీయ చలనచిత్ర పరిశ్రమలో హిందీ సినిమాలకు ఎంతో మంచి ఆదరణ వచ్చేది. ఇప్పుడు ఆ ఆదరణ కోల్పోయింది. ఈ క్రమంలోనే సౌత్ వర్సెస్ నార్త్ అనే వివాదాలు కూడా తలెత్తాయి. ఇకపోతే గతంలో జాతీయ భాష హిందీ కాదంటూ ఈయన చేసిన వ్యాఖ్యల వల్ల బాలీవుడ్ నటుడు అజయ్ దేవగన్ సుదీప్ మధ్య ట్విట్టర్ వార్ జరిగింది.

ఈ విధంగా ఈ విషయం గురించి పెద్ద ఎత్తున మాటల యుద్ధం అనంతరం ఈ వివాదం ముగిసింది అనే లోపు మరోసారి సుదీప్ పరోక్షంగా బాలీవుడ్ సినిమాలపై షాకింగ్ కామెంట్స్ చేశారు. తాజాగా సుదీప్ నటిస్తున్న విక్రాంత్ రోణ సినిమా పాన్ ఇండియా స్థాయిలో ఐదు భాషలలో విడుదల కానుంది. ఈ సందర్భంగా ఈయన హిందుస్థాన్ టైమ్స్ కి ఇచ్చిన ఇంటర్వ్యూలో పలు ఆసక్తికరమైన విషయాలను వెల్లడించారు.

సినిమాకి భాషతో సంబంధం లేదు…

ఈ సందర్భంగా సుదీప్ మాట్లాడుతూ కంటెంట్ నచ్చితే భాషతో సంబంధం లేకుండా ఏ భాషలో అయినా సినిమాలను చూస్తారు అలాంటి సినిమాలను ప్రేక్షకులు ఆదరిస్తారని తెలిపారు. సినిమాలకు భాషతో సంబంధం లేదని కొత్త కథ వస్తే తప్పనిసరిగా ప్రేక్షకులు ఆదరిస్తారని తెలిపారు. ప్రస్తుతం సౌత్ లో వచ్చే సినిమాలు నార్త్ ఇండస్ట్రీలో థియేటర్లో ఎంతో మంచి ఆదరణ సంపాదించుకుంటున్నాయి. ఒకప్పుడు నార్త్ లో సౌత్ సినిమాలు కేవలం బుల్లితెరకు మాత్రమే పరిమితం అయ్యేవి ప్రతి దానికి ఓ ముగింపు ఉంటుందని ఈ సందర్భంగా ఈయన పరోక్షంగా బాలీవుడ్ చిత్రాలు ఆధిపత్యానికి సౌత్ సినిమాలు ముగింపు పలికాయని చేసిన కామెంట్స్ వైరల్ అవుతున్నాయి.