Kota Srinivasa Rao : ఇపుడు ఎంతమంది హీరోలు ఉన్నారు… బిల్డ్ అప్ ఎక్కువ… కంటెంట్ తక్కువ…: నటుడు కోటా శ్రీనివాస రావు

Kota Srinivasa Rao : విలనిజంలో కొత్త స్టైల్ చూపిన విలక్షణ నటుడు కోటా శ్రీనివాసరావు గారు. ఆయన కమెడియన్ గాను, విలన్ గాను, క్యారెక్టర్ ఆర్టిస్ట్ గాను ఇలా ఎన్నో షేడ్స్ ఉన్న పాత్రల్లో ఒదిగిపోయి ఎంతోమంది తెలుగు ప్రేక్షకులకు మనస్సులో స్థానాన్ని సంపాదించుకున్నారు. ఇక కోటా గారు సినిమాల్లోకి వచ్చేకన్నా ముందే బ్యాంకులో ఉద్యోగిగా ఉండేవారు. కొన్నేళ్లు బ్యాంకులో ఉద్యోగం చేస్తూనే సినిమాలను చేస్తూ రెండింటి మీద ప్రయాణం చేసారు. ఇక సినిమాల్లో మెల్లగా స్థిరపడిపోయాక ఉద్యోగం మానేసి పూర్తిగా సినిమాల్లో నటించారు. అలా సౌత్ భాషలలో నటించిన ఆయన ప్రస్తుతం వృద్ధాప్య సమస్యలతో బాధపడుతూ సినిమాల్లో నటించడం లేదు. అయితే పలు ఇంటర్వ్యూల్లో పాల్గొంటూ ఆయన సినిమా కెరీర్ విశేషాలను చెబుతుంటారు.

ఇప్పటి జెనరేషన్ లో ఎంత మంది హీరోలు ఉన్నారు…

కోటా శ్రీనివాస రావు గారు అయన అభిప్రాయాలను ముక్కుసూటిగా చెప్పేస్తుంటారు. ఈ మధ్య కాలంలో ఆయన ఇంటర్వ్యూలు బాగా వైరల్ అవుతున్నాయి. ఎక్కువగా పాత సినిమా టెక్నిషియన్స్ తో కొత్త సినిమాలను పోలుస్తూ ఆయన విమర్శిస్తుంటారు. ఒకప్పటి ‘మాయాబజార్’, విఠలాచార్య సినిమాల కంటే గొప్పగా సినిమాలు ఇపుడు ఏవీ లేవు అంటూ చెప్పే ఆయన హీరోల గురించి మాట్లాడుతూ ఇప్పుడు పైకి 30 మంది దాక హీరోలు ఉన్నా కనిపించేది అభిమానులుండేది ఐదరుగురు హీరోలకే అంటూ చెప్పారు.

అలాగే ఇప్పుడు డైరెక్టర్స్ అంటూ ఎవరూ లేరు. ఒక ఐదరుగురు పేర్లే వినిపిస్తాయి. సినిమా ఇండస్ట్రీలో హీరోలు ఆ ఐదరుగురు డైరెక్టర్లతోనే సినిమాలను చేస్తుంటారు. బడ్జెట్లు, టెక్నాలజీ అంటూ సినిమా తీసామని గొప్పలు చెబుతారు, బిల్డ్ అప్ ఎక్కువ కంటెంట్ తక్కువ నేటి సినిమాలలో అంటూ కోటా శ్రీనివాస రావు గారు అభిప్రాయపడ్డారు.