KR Vijaya : దేవత పాత్రలు అనగానే ఒక్కప్పటి సినిమాల్లో గుర్తు వచ్చేది కేఆర్ విజయ గారు, ఆమె పెద్ధ కళ్ళు అందమైన ముఖ వర్చస్సు వల్ల అమ్మవారి రూపంలో చక్కగా కనిపించేవారు. ఇక హీరోయిన్ గా ఎన్నో సినిమాల్లో నటించి మెప్పించారు. తెలుగులో మొదటగా ‘శ్రీకృష్ణ పాండవీయం’ సినిమాతో గుర్తింవు తెచ్చుకున్నా ఆమె తమిళంలో తన కెరీర్ మొదలు పెట్టారు. ఇక కేరళ కు చెందిన ఈమె తండ్రిది మాత్రం చిత్తూరు జిల్లా కావడం విశేషం. ఇక తెలుగులో వందకు పైగా సినిమాలలో నటించిన విజయగారు ఎక్కువగా తమిళంలోనూ ఆపైన తెలుగు, మలయాళం లో నటించారు. ఆమె వ్యక్తిగత విషయాలను అలాగే కెరీర్ గురించి ఒక ఇంటర్వ్యూ లో పంచుకున్నారు.
ఆ సాంగ్ లో ఇద్దరం కింద పడిపోయాం…
విజయ గారు తెలుగులో అందరు అగ్రహీరోలతోనూ హీరోయిన్ గా నటించారు. ఎన్టీఆర్ గారితో, కృష్ణ, శోభన్ బాబు గారితో ఎక్కువ సినిమాల్లో నటించిన ఆమె అప్పటి విశేషాలను తెలిపారు. కృష్ణ గారితో ‘అసాధ్యుడు’ సినిమాలో నటించిన ఆమె అందులో జరిగిన ఒక సంఘటన గురించి తెలిపారు. అసాధ్యుడు సినిమాలో ఒక సాంగ్ లో విజయ గారిని కృష్ణ గారు ఏడిపించాలి.
అయితే ఆ సాంగ్ కి ముందు గుర్రపు బండిలో ఇద్దరూ వెళ్లే సీన్ ఉండగా ఆ సీన్ షూటింగ్ లో గుర్రం వెనక్కి లేవడంతో కృష్ణ గారు నేను ఇద్దరం బండితో సహా కిందకి పడ్డాము అయితే దెబ్బలు పెద్దగా తగలలేదంటూ చెప్పారు. ఇక అగ్ర నటులందరూ ఒక్కొక్కరిగా మరణిస్తున్నారు, చాలా బాధగా ఉంది అంటూ విజయ గారు తెలిపారు.
