Lalitha jewellery Kiran Kumar : నా గుండు నేనే గీసుకుంటా… గుండు మీద జోకులేసిన లలిత జ్యువలరీ కిరణ్ కుమార్…!

Lalitha Jewellery Kiran Kumar : డబ్బులు ఎవరికీ ఊరికే రావు.. రోజు టీవీలో చూసే యాడ్ లో ఎంతో నిజం ఉంది, అది మనకు తెలుసు కానీ కిరణ్ కుమార్ చెప్పాక ఆలోచించడం మొదలయింది. సాధారణంగా నగల యాడ్ అనగానే ఒక హీరోయిన్ లేక మోడల్ నగలను అలకరించుకుని వచ్చే యాడ్స్ ఇంచుమించు అన్ని బ్రాండ్ల నగల ప్రకటనలు అలానే ఉంటాయి. కానీ అందుకు భిన్నంగా ఒక కస్టమర్ ఎలా ఆలోచిస్తాడో అలా మా షో రూమ్ లో ప్రయత్నించండి అంటూ అందరినీ తన వైపు చూసేలా చేసుకున్నారు లలితా జ్యువలరీ ఓనర్ కిరణ్ కుమార్ గారు. నగలను మా షో రూమ్ లో కొనండి అని అందరిలా ఆయన చెప్పలేదు. కేవలం మా షో రూమ్ లో నగల ధరలను, నగలను చూసి ఫోటో తీసుకుని ఇతర షో రూమ్ లో నగలతో పోల్చి ఆ తరువాత ఎక్కడ తక్కువ ధరలు లభ్యమావుతాయో అక్కడ కొనుక్కోండి అంటూ చెప్పాడు. ఈ మాటే చాలామంది వియోగదారులను ఆకర్షించింది. అలా ఒక్కో మెట్టు ఎదిగిన కిరణ్ గారి ప్రయాణం ఎంతో మందికి స్ఫూర్తినిస్తుంది.

గుండు ఫిలాసఫీ చెప్పిన కిరణ్ కుమార్…

బంగారం యాడ్స్ లో కొత్తదనం చూపించిన కిరణ్ గారు ముఖ్యంగా ఆయన గుండుతో బాగా ఫేమస్. ఇక ఆ గుండు కావాలనే పెట్టుకున్నదా లేక మారేదైనా కారణం ఉందా అని ఆయనను తాజాగా ఒక ఇంటర్వ్యూలో అడిగినపుడు కిరణ్ గారు గుండు వల్ల ఎన్నో లాభాలు అంటూ చెప్పారు. గుండు ఉండటం వల్ల ఖర్చు ఉండదని, షాంపూ, హెయిర్ డై వంటి వాటి ఖర్చు పోతుందని చెప్పారు.

వర్షం వచ్చినా జుట్టు తడిచి పోతుందనే భయం ఉండదంటూ జోకులేసారు. తన గుండు తానే గీసుకుంటానంటూ చెప్పారు. జుట్టు రాలిపోయినా టెన్షన్ పడాలి, అదే గుండు అయితే ఏ బాధ ఉండదంటూ చెప్పారు. చాలా సింపుల్ గా ఉండే కిరణ్ గారు ఏదైనా టెన్షన్ ఉంటే మాత్రం ఫ్రెండ్స్ తో కలిసి రెండు పెగ్గులేస్తానంటూ, ఎపుడైనా సినిమాలను చూస్తానంటూ చెప్పారు.