వైరల్: లేడీస్ హాస్టల్ లోకి దూరిన చిరుత.. చివరికి?

ప్రస్తుతం మన ప్రపంచం అభివృద్ధి బాటలో పయనించడం వల్ల ఎన్నో అరణ్యాలను నాశనం చేస్తున్నారని చెప్పవచ్చు. దీని ఫలితంగా అడవులలో నివసించే ఎన్నో జంతువులు ఆవాసం కోల్పోయి అవి జనారణ్యంలోకి రావడం మొదలుపెట్టాయి. ఈ మధ్యకాలంలో ఇలాంటి సంఘటనలను మనం ఎన్నో చూసి ఉంటాం. అచ్చం ఇలాంటి సంఘటనే కర్ణాటకలో చోటు చేసుకుంది. ఎక్కడో అరణ్యంలో సంచరించ వలసిన చిరుత జనారణ్యంలోకి వచ్చి ఒక లేడీస్ హాస్టల్ లోకి దూరిన ఘటన బుధవారం చోటు చేసుకుంది. పూర్తి వివరాల్లోకి వెళితే.కర్నాటకలోని చామరాజ్నగర్ లో ఈ ఘటన చోటుచేసుకుంది. నగరంలోని ఓ మెడికల్ కాలేజీలో గల లేడిస్ హాస్టల్ లోకి బుధవారం రాత్రి ఓ చిరుతపులి ప్రవేశించింది.అయితే హాస్టల్ లోకి ప్రవేశించిన ఆ పులి హాస్టల్ మొదటి ఫ్లోర్ లో అటు ఇటు తిరుగుతూ విద్యార్థుల గదివైపు వెళ్ళింది. ఆ సమయంలో విద్యార్థులందరూ గది తలుపులు వేసుకొని లోపల నిద్రపోవటం వల్ల పులి నుంచి వారికి పెద్ద ప్రమాదం తప్పిందని చెప్పవచ్చు. అయితే ఈ పులి హాస్టల్ లోకి ప్రవేశించిన దృశ్యాలు సీసీ టీవీ కెమెరాలలో రికార్డయ్యాయి.

లేడీస్ హాస్టల్ లోకి ప్రవేశించిన ఈ పులి కి సంబంధించిన వీడియో ప్రస్తుతం సోషల్ మీడియాలో వైరల్ గా మారింది.ఈ వీడియో చూసిన హాస్టల్ విద్యార్థులు ఒక్కసారిగా తీవ్ర భయాందోళనలకు గురయ్యారు. ఒకవేళ ఆ టైంలో ఎవరైనా తలుపులు తీసి ఉంటే పెద్ద ప్రమాదం వాటిల్లేదని ఈ వీడియో చూసిన నెటిజన్లు భావిస్తున్నారు. అయితే ఈ విధంగా పులులు సింహాలు అరణ్యం నుంచి బయటకు రావడానికి 100% మనుషులే కారణమని చెప్పవచ్చు. పారిశ్రామిక రంగాల అభివృద్ధి పేరిట కొన్ని వందల ఎకరాల్లో అడవులను నాశనం చేయడం ద్వారా ఇలాంటి పరిణామాలు చోటు చేసుకుంటున్నాయని చెప్పవచ్చు. ప్రస్తుతం ఈ పులి కి సంబంధించిన వీడియో సోషల్ మీడియాలో వైరల్ అయ్యింది.