అంకుల్.. మా ఫ్యామిలీ జోలికి రాకండి.. నాగబాబుపై మంచు విష్ణు షాకింగ్ కామెంట్స్..!

‘మా’ ఎలక్షన్స్ రసవత్తరంగా సాగుతోంది. ప్రస్తుతం మంచు విష్ణు, ప్రకాశ్ రాజ్ మధ్య పోటీ హోరాహోరీగా జరుగుతోంది. అయితే ఈ ఎన్నికల్లో మెగాబ్రదర్ నాగబాబు ప్రకాష్ రాజ్ ను సపోర్ట్ చేస్తున్న విషయం తెలిసిందే. నాగబాబు మా సభ్యులతో సమావేశం అయి మంచు విష్ణుపై కొన్ని కామెంట్లు చేశారు.

వాటిపై విష్ణు స్పందించారు. దానికి సంబంధించి ఓ వీడియోను కూడా పోస్టు చేశారు. తాను పోటీ చేస్తున్నట్లు తెలవగానే అవతలి సైడ్ నుంచి పోటీ చేసే అభ్యర్థి తనపై తీవ్రంగా స్పందించడని.. తన ఫ్యామిలీ జోలికి కూడా వచ్చాడన్నారు. అతడి(ప్రకాశ్ రాజ్ ) తో పాటు ఇతర నటులు అందులో సీనియర్ నటి కూడా తనను విమర్శలు చేశారని వాపోయారు. వారు చేసిన వ్యాఖ్యలకు తాను చాలా బాధపడ్డానని చెప్పుకొచ్చాడు.

అధ్యక్షుడిగా నిలబెట్టిన వారిలో ఒకరు ఈ విమర్శలు చేస్తున్నారని.. నాగబాబు పేరు చెప్పారు. అంకుల్ నేనేంటో మీకు తెలసుకదా.. మీ కళ్ల ముందు పెరిగిన వాడిని.. తమ సంస్థలో కూడా మీరు పనిచేశారు. ఎనిమిది నెలల క్రితం ప్రస్తుతం అసోసియేషన్ లో ఉన్న ప్రకాశ్ రాజ్ పవన్ కళ్యాణ్ ను నోటికొచ్చినట్లు మాట్లాడారు.

దానికి మీరు ఆయన్ను తిడుతూ.. మీ స్టైల్ లో ట్వీట్ చేశారు. ప్రస్తుతం అతడు మీకు మేధావి.. మంచి వ్యక్తి అయిపోయారా.. అంటూ అన్నారు విష్ణు. తన గురించి మాట్లాడండి.. కానీ నాన్నగారిని సంబోధించకండి అంటూ చురకులు అంటించారు. దయచేసి మా ఫ్యామిలీ జోలికి రాకండి అంటూ పరోక్షంగానే విమర్శించారు.