అతడికి మనిషి లక్షణాలు లేవంటూ కోటా పై నాగబాబు ఫైర్..!

మా ఎన్నికలు సినీ పరిశ్రమలో కాకరేపుతున్నాయి. ప్రకాష్‌రాజ్, మంచు విష్ణు ప్యానళ్ల మధ్య మాటల యుద్ధమే నడుస్తోంది.. అయితే, తాజాగా మా ఎన్నికలపై సంచలన వ్యాఖ్యలు చేశారు మెగా బ్రదర్‌ నాగబాబు. ప్రకాశ్ రాజ్ ను మోహన్ బాబుతో పోల్చాలి అని.. కానీ విష్ణుతో కాదన్నారు. పిల్లలందరికీ ఏం కావాలో మోహన్ బాబు కు తెలుసని.. సినీ పరిశ్రమలో ఏం కావాలో ప్రకాశ్ రాజ్ కు తెలుసున్నారు.

దేశ ప్రధానితో పోరాటం తెలిసిన వ్యక్తి ప్రకాశ్ రాజ్ అని.. ప్రకాశ్ రాజ్ కు ఉన్న ప్రత్యేకతలు విష్ణులో లేవన్నారు. నిర్మాతలతో వివాదం ప్రకాశ్ రాజ్ కే కాదు మోహన్ బాబు కుటుంబానికి కూడా ఉన్నాయని విమర్శించారు నాగబాబు. విష్ణు నువ్వు ఎక్కడ పుట్టావు.. ఎక్కడ చదువుకున్నావు అని ప్రశ్నించారు నాగబాబు.

మంచు విష్ణు మీ అమ్మానాన్నలు మాత్రమే తెలుగువాళ్లు అని కామెంట్ చేసిన మెగా బ్రదర్‌.. ప్రకాశ్ రాజ్, విష్ణు తెలుగు పరీక్ష రాస్తే విష్ణుకు పాస్ మార్కులు కూడా రావు అంటూ సంచలన విమర్శలు చేశారు.ప్రకాశ్ రాజ్ ని తెలుగోడంటారు, విష్ణును తెలుగు నేర్చుకొమ్మంటారని కామెంట్ చేసిన ఆయన.. సినిమా జ్ఞానం, ప్రపంచజ్ఞానం ఉన్న ప్రకాశ్ రాజ్ కే నా మద్దతు అంటూ మరోసారి స్పష్టం చేశారు.

విష్ణు జీవితంలో పాతిక సినిమాల్లో నటించడా.. కానీ ప్రకాశ్ రాజ్ తన కెరీర్ లో ప్రతీ సంవత్సరం పాతిక సినిమాలు చేశారన్నారు. ఓ తెలుగు టీవీ న్యూస్ ఛానెల్ ఇంటర్వ్యూలో కోట శ్రీనివాసరావును ఉద్దేశించి తీవ్ర వ్యాఖ్యలు చేశారు. అతడికి మనిషి లక్షణాలు లేవు … జంతు లక్షణాలు .. వాడొక యానిమల్ .. అంటూ కోట శ్రీనివాసరావు పై కొణిదెల నాగబాబు చేసిన విమర్శ ఇప్పుడు వైరల్ అవుతోంది. ఇలా విమర్శలకు ప్రతి విమర్శలు చేస్తూ నాగబాబు దూకుడు పెంచాడు. ఇదిలా ఉండగా కోట శ్రీనివాసరావు అంతక ముందు ప్రకాశ్ రాజ్ పై విమర్శలు చేశారు. ఏనాడు షూటింగ్ కు టైంకు రాడని ఆరోపించాడు. దీంతో నాగబాబు పై విధంగా స్పందిచారు.