తప్పుడు ఆరోపణలు చేస్తే అమ్మవారి ఆగ్రహానికి బలవుతారు.. నరేష్ వ్యాఖ్యలపై శ్రీకాంత్ షాకింగ్ కామెంట్స్..!

మూవీ ఆర్టిస్ట్ అసోసియేషన్ ఎన్నికలు సాధారణ ఎన్నికలను తలపిస్తున్నాయని చెప్పవచ్చు. ఈ క్రమంలోనే ప్రకాష్ ప్యానల్ పై విష్ణు ప్యానల్ బురద చల్లుకుంటూ పరస్పరం ఒకరిపై మరొకరు విమర్శలు చేసుకుంటున్నారు. ఇదిలా ఉండగా ప్రకాష్ ప్యానెల్ కు మద్దతు తెలుపుతున్న నాగబాబు గత రెండు రోజుల క్రితం ఓటుకు పదివేలు పంచుతున్నారనే వార్త తన వరకు వచ్చిందని మీడియా ఎదుట వెల్లడించారు.

ఈ క్రమంలోనే మంచు ప్యానెల్ నుంచి నరేష్ మాట్లాడుతూ ప్రకాష్ రాజ్ ప్యానెల్ నుంచి ఓటుకు 25 వేలు డబ్బులు ఇస్తున్నారని ఒక వీడియో ద్వారా తెలియజేశారు.ఈ క్రమంలోనే ప్రకాష్ రాజ్ ప్యానెల్ సభ్యులు ఇస్తున్న డబ్బులను తీసుకుని మంచు విష్ణుకు ఓటెయ్యండి అంటూ ఆయన ఆరోపించారు.

ఈ క్రమంలోనే నరేష్ మాట్లాడిన వ్యాఖ్యలపై ప్రకాష్ రాజు ప్యానల్ నుంచి శ్రీకాంత్ మాట్లాడుతూ నరేష్ వ్యాఖ్యలను తీవ్రస్థాయిలో తప్పుబట్టారు. మేము మందు పంచి, లేక డబ్బులు పంచి గెలవాలని అనుకోలేదు. మీ మనుషులనే పంపించి డబ్బులు ఇచ్చి మా ప్యానెల్ పై బురద చల్లుతున్నారు. అసలే దసరా ఉత్సవాలు జరుగుతున్నాయి.ఎవరైతే తప్పుడు ఆరోపణలు చేస్తున్నారో వారు అమ్మవారి ఆగ్రహానికి బలై నాశనం అవుతారంటూ శ్రీకాంత్ నరేష్ వ్యాఖ్యలకు ఘాటుగా సమాధానం చెప్పారు.

ఇలా మా ఎన్నికలు ఇదివరకు ఎప్పుడూ లేని విధంగా ఈసారి ఎంతో హోరాహోరీగా జరుగుతున్నాయి.మరి నేడు జరిగే ఎన్నికలలో అధ్యక్ష పదవి ఎవరు కైవసం చేసుకుంటారు అనేది మరి కొన్ని గంటలలో తెలియనుంది. ఈ క్రమంలోనే రెండు ప్యానెల్ సభ్యుల మధ్య తీవ్ర ఉత్కంఠత ఏర్పడిందని చెప్పవచ్చు.