Madhavan : నంబి నారాయణన్ గురించి సినిమాకోసం నా దవడ పగలగొట్టుకున్నా… దర్శకుడిగా నా ప్రయాణం భయమేసింది..!

Madhavan : చెలి, సఖి సినిమాలతో అమ్మాయిల మనసు దోచుకున్న తమిళ హీరో మాధవన్ ప్రస్తుతం సినిమాలను చాలా సెలక్టివ్ గా చేస్తున్నారు. తాజాగా ఆయన మెగాఫోన్ పట్టుకుని దర్శకుడిగా మారి సినిమా తీస్తున్నారు. నంబి నారాయణన్ జీవితం ఆధారంగా తీస్తున్న ఈ చిత్రంలో నంబి నారాయణన్ పాత్రలో మాధవన్ నటించారు. ఇక ఈసినిమా జులై 1న విడుదల అవ్వబోతోంది. కరోనా పాండమిక్ తరువాత ఈసినిమా అనేక వాయిదాల నడుమ జులై 1న రాబోతోంది.

ఆయనలాగా కనిపించడం కోసం నా దవడ విరగ్గొట్టుకోవాల్సి వచ్చింది…

నంబి నారాయణన్ ఇస్రో శాస్త్రవేత్త, కానీ ఆయన గురించి ఎవరికీ పెద్దగా తెలియదు. కేవలం ఆయన గూఢచర్యం చేసాడనే నిందలు మాత్రమే తెలుసు. అందుకే ఆయన కథను ప్రపంచానికి చెప్పాలని నిర్ణయించుకున్నాను. అయితే మొదట అనుకున్న దర్శకుడు సరిగా తీయడం లేదని దర్శకత్వ బాధ్యత తీసుకున్నాను. ఇక సినిమా నిర్మించడానికి ఎవరూ ముందుకు రాకపోవడంతో ఆ బాధ్యతా నేనే తీసుకున్నా అని మాధవన్ చెప్పారు. ఇక ఈ సినిమాకు కథ, మాటలు, నిర్మాత, దర్శకత్వం అన్నీ మాధవన్ చేస్తున్నారు. ఇక ఈసినిమాలో సూర్య, సిమ్రాన్ కీలక పాత్రల్లో నటిస్తున్నారు.

సినిమాలో రాకెట్ సైన్స్ ని సాధారణ ప్రేక్షకుడికి అర్థమయ్యేలా చెప్పడానికి ప్రయత్నించాను అయితే తన నెక్స్ట్ సినిమాలకోసం ఇక దర్శకత్వం చేయను, ఈ సినిమాలో చాలా టెన్షన్ పడ్డాను అంటూ మొదటి సారి డైరెక్షన్ అనుభవాన్ని చెప్పారు మాధవన్. ఇక సినిమాలో నంబి నారాయణన్ లా కనిపించడం కోసం చాలా కష్టపడ్డానని దవడ కుడా విరగ్గొట్టుకోవాల్సి వచ్చిందని చెప్పారు. నంబి నారాయణన్ ఒక మాల్దీవులుకు చెందిన యువతి ప్రేమలో ఎలా పడ్డాడు, గూడచర్యం నింద ఎలా మోపబండింది, ఆయన ఇస్రో కి అందించిన సేవల గురించి రాకెట్రి : ది నంబి ఎఫెక్ట్ సినిమాలో చూపబోతున్నాడు మాధవన్.