VJ Sunny: వీజే సన్నీని ఓ రేంజ్ లో ఏకిపారేసిన మాధవిలత..కారణం ఏంటంటే?

VJ Sunny: తన ఆలోచనలను వ్యక్తీకరించడానికి ఎప్పుడూ వెనుకడుగు వేయని తారలలో మాధవి లత ఒకరు. తాజాగా ఆమె తన ఇన్‌స్టాగ్రామ్ స్టోరీస్‌ లో ఇలా రాసుకొచ్చింది. బిగ్ బాస్ తెలుగు 5 విజేత.. వీజే సన్నీ తనకు చాలా మద్దతు ఇచ్చిన ఫ్యాన్ పేజీలను .. కొన్ని యూట్యూబ్ ఛానెల్‌లను విస్మరిస్తున్నారని ఆమె ఆవేదన వ్యక్తం చేసింది.

ఎక్కువ మంది సబ్‌స్క్రైబర్లు, టీవీ ఛానెల్స్ ఉన్న యూట్యూబ్ ఛానెల్‌లకు వీజే సన్నీ ఇంటర్వ్యూలు ఇస్తున్నారని ఆమె ఆరోపించింది. బిగ్ బాస్ హౌస్‌లో సన్నీ ఆటకు తాను చాలా సపోర్ట్ చేశానని మాధవీలత తెలిపింది. ఎవరైనా తప్పు చేస్తే విమర్శించడానికి అయినా.. ఆ తప్పును ఎత్తిచూపడానికి తాను వెనుకాడను అంటూ స్పష్టం చేసింది.

ఇతరులకు కృతజ్ఞతాభావం చూపని వారిని తాను ఇష్టపడనని చెప్పింది. ఇక ఆమె పోస్టు చేసిన దానిలో ఏముందంటే.. సన్నీ కోసం ఎంత మంది పీఆర్ లా మారిపోయారు.. అందరికీ థ్యాంక్స్ అని ఒక మాట చెప్తే ఐపోదా సన్నీ అంటూ విమర్శించారు. సన్నీని గొప్పగా ప్రొజెక్ట్ చేసే ఎంత మంది యూట్యూబ్ రివ్యూవర్ ఉన్నారు.. కనీసం వాళ్ల నేమ్స్ మెన్షన్ చేశాడా.. అతడి కంటే తెలియదు.. కనీసం సన్నీ స్నేహితులకు అయినా తెలీదా.. కళ్లు నెత్తిన ఎక్కాయా..? ఫస్ట్ ప్రయారిటీ ఎవిడికి ఇవ్వాలి..? మీడియా నుంచి వచ్చా కాబట్టి మీడియాకే ప్రాధాన్యతనిస్తాననే సన్నీ బిస్కెట్‌ బాగానే ఉందని ఆమె స్టోరీలో రాసుకొచ్చింది.

ఫ్యాన్స్ ను విస్మరిస్తే.. భవిష్యత్ ఉండదు..

సాధారణ జనానికి విలువివ్వకపోతే అక్కడే ఆగిపోతావు గుర్తుంచుకో.. ఫ్యాన్‌ పేజీలను క్రియేట్‌ చేసిన ఒక్కరికీ సన్నీ నుంచి ఎటువంటి మెసేజ్‌, ఫోన్‌ రాలేదు. పాపం.. వాళ్లంతా సన్నీ ఏడిస్తే ఏడ్చారు, సన్నీ నవ్వితే నవ్వారు. వారం రోజులవుతున్నా ఇంకా టాప్‌ ఛానల్స్‌తోనే బిజీ ఉండటం తప్పు, నాకు నచ్చట్లేదు. నాకు కోపం వస్తే అదే మీడియాలో నిలబెట్టి కడిగేస్తా. నచ్చితే నెత్తిన పెట్టుకుంటాను, తిక్కలేస్తే తాట తీసి ఆరేస్తా’ అని వార్నింగ్‌ ఇచ్చింది మాధవీలత. ఇక దీనిపై సన్నీ ఇంత వరకు స్పందిచలేదు. అతడు ఎలా తీసుకుంటాడో చూద్దాం