ఆర్ఆర్ఆర్ ట్రైలర్ పై సెలెబ్రిటీల ట్వీట్ల వర్షం.. ట్రైలర్ పై మహేష్ బాబు ఆసక్తికర ట్వీట్..!

దర్శకుడు ఎస్ఎస్ రాజమౌళి పీరియడ్ యాక్షన్ డ్రామా, RRR చిత్రం ట్రైలర్ ఇటీవల విడుదలైన సంగతి తెలిసిందే. 3.07 నిమిషాల వరకు ఉన్న ఈ ట్రైలర్ ప్రతీ ఒక్కరినీ ఆకట్టుకుంది. బాహుబలి తర్వాత రాజమౌళి అత్యంత ప్రతిష్టాత్మకంగా రూపొందించిన చిత్రం ఆర్ఆర్ఆర్. అయితే ఈ ట్రైలర్ పై తెలుగు స్టార్ మహేష్ బాబు తన అభిప్రాయాన్ని సంచుకున్నాడు.

ట్విట్టర్ ద్వారా ఇలా తెలియజేశాడు. “ట్రైలర్‌లోని ప్రతి షాట్ అద్భుతంగా ఉంది. మైండ్ బ్లోయింగ్!! మాస్టర్ స్టోరీటెల్లర్ తిరిగి వచ్చాడు. ట్రైలర్ అంతా గూస్‌బంప్స్!!” అంటూ ట్వీట్ చేశారు. అంతే కాకుండా.. సౌత్ మరియు బాలీవుడ్ ఫిల్మ్ ఇండస్ట్రీకి చెందిన ఇతర ప్రముఖులు కూడా ప్రశంసల వర్షం కురిపిస్తున్నారు. రష్మిక మందన్న ట్రైలర్‌ని “పిచ్చి” అని పిలుస్తుండగా.. వరుణ్ తేజ్ ట్రైలర్ ను “మైండ్ బ్లోయింగ్” అని పొగిడాడు.

బాలీవుడ్ స్టార్ లారా దత్తా భూపతి ట్విట్టర్‌లో ఇలా పంచుకున్నారు, గూస్‌బంప్స్!! హ్యాట్సాఫ్ @ssrajamouli సార్!! అంటూ ట్వీట్ చేశాడు. పూజా హెగ్డే కూడా మైక్రో బ్లాగింగ్ సైట్‌లో పోస్ట్ చేసింది. ఆమె ఇలా ట్వీట్ చేసింది, “ఉమ్మ్మ్… స్పీచ్లెస్. నా భావాలను ఎలా వివరించాలో కూడా అర్థం కావట్లేదు అంటూ.. ఆర్ఆర్ఆర్ టీం సభ్యులను పొగడ్తలతో మొంచెత్తింది.

ఇక ఈ చిత్రంలో జూనియర్ ఎన్టీఆర్, రామ్ చరణ్ హీరోలుగా.. అజయ్ దేవగన్ మరియు అలియా భట్ ముఖ్యమైన పాత్రదారులుగా ఉన్నారు. సముద్రఖని, అలిసన్ డూడీ, రే స్టీవెన్‌సన్ మరియు శ్రియా శరణ్ కూడా సహాయక పాత్రలలో కనిపించనున్నారు. ఈ చిత్రం బ్రిటీష్, హైదరాబాద్ నిజాంకు వ్యతిరేకంగా.. విప్లవకారులు అల్లూరి సీతారామ రాజు మరియు కొమరం భీమ్ పోరాడే సన్నివేశాలతో చిత్రీకరించారు. ఈ చిత్రం జనవరి 7, 2022లో ప్రేక్షకుల ముందుకు రానుంది.