Ramesh Babu: కృష్ణ పెద్ద కుమారుడు, మహేష్ బాబు సోదరుడు రమేష్ బాబు అకాల మరణం పొందారు. దీంతో ఘట్టమనేని కుటుంబంలో విషాద ఛాయలు అలముకున్నాయి. రమేష్ బాబు తీవ్ర అనారోగ్య సమస్యతో బాధపడుతూ శనివారం సాయంత్రం కన్నుమూశారు.గత కొన్ని రోజుల నుంచి కాలేయ వ్యాధి సమస్యతో బాధ పడుతున్న రమేష్ బాబుకి తీవ్ర అస్వస్థత చేయడంతో కుటుంబ సభ్యులు వెంటనే అతన్ని గచ్చిబౌలిలోని ఏఐజి ఆస్పత్రకి తరలించారు.

అయితే అప్పటికే ఆయన ఆరోగ్య పరిస్థితి విషమించడంతో మృతి చెందినట్లు వైద్యులు పేర్కొన్నారు. ప్రస్తుతం ఆయన మృతదేహం ఏఐజి హాస్పిటల్ లోని మార్చురీలో ఉంది. మరి కాసేపట్లో ఆయన మృతదేహాన్ని ఇంటికి తరలించనున్నారు. రమేష్ బాబు కెరీర్ విషయానికి వస్తే ఈయన బాల నటుడిగా ఎన్నో సినిమాలలో నటించి మంచి గుర్తింపు తెచ్చుకున్నారు.

అదే విధంగా కొన్ని రోజుల విరామంతో ఈయన చదువులు పూర్తి చేసి అనంతరం సామ్రాట్ చిత్రంతో హీరోగా పరిచయం అయ్యారు. ఇలా రమేష్ బాబు సుమారు 17 చిత్రాలలో నటించి ఎంతో మంచి గుర్తింపు పొందారు.ఇలా మంచి గుర్తింపు సంపాదించుకున్నప్పటికీ రమేష్ బాబు ఇండస్ట్రీలో కొనసాగలేక పోయారు. ఈ క్రమంలోనే ఈయన 2004వ సంవత్సరంలో నిర్మాతగా మారి కొన్ని సినిమాలకు నిర్మాతగా వ్యవహరించారు.

చివరి చూపులకు మహేష్ వెళ్లేనా..

మహేష్ బాబు సోదరుడు అకాల మరణం ఘట్టమనేని కుటుంబ సభ్యులలో తీవ్ర విషాదం నింపిందని చెప్పాలి. అయితే ఈయన చివరి చూపుల కోసం మహేష్ బాబు వస్తారా లేదా అనే అనుమానాలు కలుగుతున్నాయి. ప్రస్తుతం మహేష్ బాబుకు కరోనా సోకడంతో వల్ల ఆయన చికిత్స తీసుకుంటున్న విషయం మనకు తెలిసిందే. ఈ క్రమంలోనే మహేష్ బాబు తన సోదరుడు చివరి చూపులకు వస్తారా.. రారా అనేది తెలియాల్సి ఉంది.