Mahesh Babu: వామ్మో మూడు భాగాలుగా SSMB 29… భారీగా ప్లాన్ చేసిన జక్కన్న!

Mahesh Babu: టాలీవుడ్ సూపర్ స్టార్ మహేష్ బాబు ప్రస్తుతం వరుస సినిమాలతో ఎంతో బిజీగా ఉన్నారు. గత ఏడాది సర్కారు వారి పాట సినిమా ద్వారా ప్రేక్షకుల ముందుకు వచ్చిన మహేష్ బాబు ప్రస్తుతం త్రివిక్రమ్ శ్రీనివాస్ దర్శకత్వంలో సినిమా చేస్తున్నారు. ఈ సినిమా అనంతరం ఈయన రాజమౌళి సినిమాతో బిజీ కానున్నారు.

ఈ క్రమంలోనే మహేష్ బాబు తన 29వ చిత్రాన్ని రాజమౌళి దర్శకత్వంలో చేయబోతున్నారు.రాజమౌళి సినిమా అంటే ఏ స్థాయిలో ఉంటుందో మనకు తెలిసిందే ఈయన ఇప్పటివరకు అపజయం ఎరుగని దర్శకుడిగా పేరు ప్రఖ్యాతలు సంపాదించుకున్నారు. బాహుబలి సినిమాను రెండు పార్టలు చిత్రీకరించి పాన్ ఇండియా స్థాయిలో ఎంతో మంచి గుర్తింపు సంపాదించుకున్నారు.

అనంతరం రాజమౌళి దర్శకత్వంలో వచ్చిన ఆర్ఆర్ఆర్ సినిమా ద్వారా అంతర్జాతీయ స్థాయిలో విపరీతమైన మార్కెట్ ఏర్పరచుకున్నారు. ఇక ఈ సినిమాలోని నాటు నాటు పాటకు ఆస్కార్ అవార్డు రావడం విశేషం. ఇలా ఈ సినిమాకు ఆస్కార్ అవార్డు రావడంతో రాజమౌళి తదుపరి సినిమాపై ఇప్పటికే భారీ అంచనాలు ఏర్పడ్డాయి.ఈ క్రమంలోనే మహేష్ బాబు రాజమౌళి కాంబినేషన్లో రాబోతున్న సినిమా గురించి ఒక క్రేజీ అప్డేట్ సోషల్ మీడియాలో వైరల్ అవుతుంది.

Mahesh Babu: పదేళ్లు రాజమౌళికి అంకితం కానున్న మహేష్….

వీరిద్దరి కాంబినేషన్లో రాబోతున్న సినిమా ఏకంగా ఒకటి కాదు రెండు కాదు మూడు పార్టులుగా రాబోతుందని సమాచారం. . అత్యంత భారీ బడ్జెట్ తో అడ్వెంచర్ మూవీగా చేయాలనే ఆలోచనలు రాజమౌళి ఉన్నట్టు తెలుస్తుంది. ఇదే కనుక నిజమైతే మహేష్ బాబు ఇతర దర్శకులకు అవకాశం ఇవ్వకుండా 10 సంవత్సరాలు పాటు రాజమౌళికి మాత్రమే అంకితం అవుతారని తెలుస్తోంది. మరి ఈ విషయంలో ఎంతవరకు నిజముందో తెలియాల్సి ఉంది.