Makeup Man Madhavarao : కేవి చలం ను చంపి రైలు పట్టాల మీద పడేసింది ఎవరు…? రంగనాథ్ ఆత్మహత్య ఎందుకు చేసుకున్నారో చెప్పిన మేకప్ మ్యాన్ మాధవరావు

Makeup Man Madhavarao : కృష్ణగారి పర్సనల్ మేకప్ మ్యాన్ గా కొన్నేళ్లుగా ఆయనతో కలిసి పనిచేసిన మాధవరావు గారు కృష్ణ గారు మరణించిన తరువాత పలు ఇంటర్వ్యూ ల్లో పాల్గొంటూ ఆయనతో ఉన్న అనుబంధం అలాగే ఇండస్ట్రీ లో వచ్చిన మార్పులు అప్పట్లో మేకప్ ఎలా ఉండేది అప్పుడు ఉన్న హీరోలు ఎలా ఉండేవారు వంటి విషయాలను పంచుకున్నారు. ఆనాటి ఎంతోమంది ఆర్టిస్టులకు మేకప్ వేసిన మాధవరావు గారు కే వి చలం, రంగనాథ్ వంటి ఆర్టిస్ట్ల గురించి మాట్లాడారు. ఎన్టీఆర్, కృష్ణ, సావిత్రి, వాణిశ్రీ వంటి అగ్ర తారలకు మేకప్ చేసిన ఆయన ఆ విశేషాలను తెలిపారు.

కేవి చలం అలా చనిపోయారు… రంగనాథ్ అప్పటికి తెలుసు…

తెలుగులో కమెడియన్ గా విచిత్రమైన యాస, భాషలతో ఫేమస్ అయిన నటుడు కే వెంకటాచలం ఆయన కమెడియన్ గా మంచి గుర్తింపు తెచ్చుకున్న రోజుల్లోనే సడెన్ గా ఒక రోజు రైలు పట్టాలమీద శవమై కనిపించారు. ఇక ఆయన మరణం మీద ఎన్నో అపోహలు ఉన్నాయి. మాధవరావు గారికి కే వి చలం గారితో పరిచయం కారణంగా ఆయన చావు గురించి మాట్లాడుతూ రైలు ప్రమాదం లో మరణించారు అంతే కానీ ఎవరో చంపి అక్కడ వేయలేదు అంటూ మాట్లాడారు. చలం గారి రెండో భార్య రత్నకుమారి ఇంటికి వెళ్తూ రైలు పట్టాలు దాటాలి అప్పట్లో గేట్ కూడా సరిగా ఉండకపోవడం వల్ల పట్టాలు దాటుతుండగా ప్రమాదం జరిగి మరణించారు.

ఆ తరువాత రకరకాల పుకార్లు వచ్చిన ఆది ప్రమాదం మాత్రమే అంటూ మాట్లాడారు. ఇక సీనియర్ నటుడు రంగనాథ్ గురించి మాట్లాడుతూ ఆయన రైల్వే లో పనిచేసే సమయంలో ఒకసారి కలిసాను. కానీ ఆయన నటుడు అవుతాడని అనుకోలేదు. ఇక ఆయన హీరోగాను క్యారెక్టర్ ఆర్టిస్ట్ గాను ఎన్నో సినిమాల్లో అలరించారు అంటూ చెబుతూ ఆయన ఆత్మహత్య చేసుకోడానికి గల కారణాలను చెప్పారు. భార్య చనిపోయాక ఒంటరితనం భరించలేక ఆమె మీద ఉన్న ప్రేమ వల్ల ఆయన ఆత్మహత్య చేసుకున్నారని తెలిసింది అంటూ మాధవరావు గారు తెలిపారు.