Malvika Avinash: రావణుడి పాత్ర ఎలా ఉండాలో ఎన్టీఆర్ ని చూసి నేర్చుకో.. ఆది పురుష్ టీజర్ పై ఫైర్ అయిన కేజిఎఫ్ నటి!

Malvika Avinash: ప్రభాస్ నటించిన ఆది పురుష్ సినిమా నుంచి టీజర్ విడుదల చేసిన విషయం మనకు తెలిసిందే. ఈ సినిమా టీజర్ విడుదలైన తర్వాత ఎన్నో విమర్శలకు కారణమవుతోంది. అలాగే ఈ టీజర్ ఎన్నో వివాదాలను కూడా ఎదుర్కొందని చెప్పాలి.ఇకపోతే కొందరు రాజకీయ నాయకులు అలాగే సినీ సెలెబ్రిటీలు పెద్ద ఎత్తున ఈ సినిమా టీజర్ లో తప్పులను బయటపెడుతూ వివాదాలను తెరపైకి తీసుకువస్తున్నారు.

ఈ క్రమంలోనే కేజిఎఫ్ సినిమాలో నటించినటువంటి నటి మాళవిక అవినాష్ డైరెక్టర్ ఓం రౌత్ పై తీవ్ర స్థాయిలో ఆగ్రహం వ్యక్తం చేశారు.ఇక ఈ సినిమాలో రావణాసురుడి పాత్రలో నటించిన పాత్ర గురించి ఈమె మాట్లాడుతూ అసలు రావణాసురుడు ఎలా ఉండాలో తెలియాలంటే స్వర్గీయ నందమూరి తారక రామారావు నటించిన సినిమాలను చూసి నేర్చుకోండి అంటూ కామెంట్ చేశారు.

ఆది పురుష్ సినిమాలో రావణాసురుడు ఏమాత్రం బాగాలేదని ఈమె మండిపడ్డారు. రావణాసురుడికి నీలి కళ్ళు లెదర్ జాకెట్ తొలగించడం ఏంటి. ఇలా రావణాసురుడి లెదర్ జాకెట్ తొడిగించడం అంటే రామాయణాన్ని అవమానించడమే అంటూ ఈమె పెద్ద ఎత్తున మండిపడ్డారు.అసలు సిసలైన రావణాసురుడి పాత్ర ఎలా ఉండాలో నందమూరి తారక రామారావును చూస్తే స్పష్టంగా అర్థమవుతుందని తెలిపారు.

Malvika Avinash: ఎన్టీఆర్ తరువాతే ఎవరైనా..

రాముడైనా, కృష్ణుడైన, అర్జునుడైన,అలాంటి పాత్రలలో ఒదిగిపోయి నటించడంలో నందమూరి తారక రామారావుకు ఎవరు సాటి లేరని ఆయన తర్వాతే ఎవరైనా అంటూ అభిమానులు నెటిజనులు కూడా నటి మాళవిక అవినాష్ కు మద్దతు తెలుపుతున్నారు. ఏది ఏమైనా ఎన్నో అంచనాల నడుమ ఈ టీజర్ విడుదల అయితే ప్రేక్షకుల ఆదరణ కన్నా, పెద్ద ఎత్తున విమర్శల పాలైందని చెప్పాలి.