Manoj -Mounika: ప్రేమికుల రోజు ప్రకృతిని ఆస్వాదిస్తూ భార్యతో ఏకాంతంగా గడిపిన మనోజ్.. ఫోటో వైరల్!

Manoj -Mounika: ఫిబ్రవరి 14 వాలెంటైన్స్ డే కావడంతో ప్రతి ఒక్కరు కూడా ఎంతో ఘనంగా ఈ ప్రేమికుల దినోత్సవాన్ని జరుపుకున్నారు. ముఖ్యంగా సినిమా సెలబ్రిటీలు వాలెంటైన్స్ డే సందర్భంగా వారి లైఫ్ పార్టనర్ తో కలిసి ఉన్నటువంటి ఫోటోలను షేర్ చేశారు. ఈ క్రమంలోనే నటుడు మంచు మనోజ్ సైతం తన భార్య మౌనిక రెడ్డితో కలిసి ఉన్నటువంటి ఫోటోని షేర్ చేశారు.

మొదటి భార్యతో విడాకులు తీసుకున్నటువంటి మంచు మనోజ్ భూమా మౌనిక రెడ్డిని ప్రేమించారు. ఈమె కూడా అప్పటికే విడాకులు తీసుకొని ఉన్నారు ఇలా వీరిద్దరూ కొన్ని సంవత్సరాల పాటు ప్రేమలో ఉంటూ గత ఏడాది మార్చి నెలలో వివాహం చేసుకున్నారు. ఇక పెళ్లి తర్వాత వీరిద్దరికి మొదటి వాలెంటైన్స్ డే కావడంతో ఈ రోజును చాలా ఘనంగా జరుపుకున్నారని తెలుస్తుంది

ప్రేమించిన అమ్మాయిని పెళ్లి చేసుకున్న తర్వాత మంచు మనోజ్ ఎక్కడికి వెళ్లినా తన భార్యను వెంట తీసుకొని వెళ్తున్నారు. ఇలా వీరిద్దరూ ఎంతో సంతోషంగా అన్యోన్యంగా ఉన్న సంగతి మనకు తెలిసిందే. ప్రేమికుల దినోత్సవం కావడంతో వీరిద్దరు విదేశాలకు వెళ్లారని తెలుస్తుంది. ఇలా విదేశాలలో తమ వాలెంటైన్స్ డే ని సెలబ్రేట్ చేసుకున్నారు. బీచ్ వడ్డున క్యాండిల్ లైట్ డిన్నర్ చేస్తూ సముద్రపు అందాలను ఆస్వాదిస్తూ ఏకాంతంగా వీరిద్దరూ ఈరోజు జరుపుకున్నారు.

బీచ్ ఒడ్డున వాలెంటైన్స్ డే సెలబ్రేషన్స్…

ఇక మంచు మనోజ్ షేర్ చేసినటువంటి ఈ ఫోటోలో వీరిద్దరూ ఒకరి చేతిని మరొకరు పట్టుకొని ఒకరి కళ్ళల్లో ఒకరు ఎంతో ప్రేమగా చూస్తూ ఉన్నటువంటి ఫోటోని షేర్ చేస్తూ అందరికీ వాలెంటైన్స్ డే శుభాకాంక్షలు తెలిపారు. ప్రస్తుతం ఈ ఫోటో సోషల్ మీడియాలో వైరల్ గా మారింది.