పుకార్లకు చెక్.. క్లారిటీ ఇచ్చేసిన ఆ జంట..!

వెండితెరపై అయినా.. బుల్లితెరపై అయినా ఒక పెయిర్ హిట్ అయిందంటే వారిద్దరి మధ్య ఏదో ఉన్నట్లు పుకార్లు షికార్లు అవుతాయి. వారిద్దరికి సంబంధించి ఏ వార్త వచ్చినా సోషల్ మీడియాలో తెగ వైరల్ అవుతుంది. అయితే ఇలా నెటిజన్లు కొన్ని పుకార్లను స్పష్టిస్తారు. అందులో కొన్ని నిజాలు ఉండొచ్చు.. మరికొన్ని అబద్దాలు కూడా ఉండొచ్చు. పెళ్లి కాకముందు నాగచైతన్య, సమంత మధ్య ప్రేమ నడుస్తుందని.. వారిద్దరి జంట గురించి వార్తలు పెద్ద ఎత్తున వచ్చాయి.

ఇలా వారు పెళ్లి చేసుకొని నెటిజన్ల పుకార్లను నిజం చేశారు. ఇలా జంటల మధ్య ఏదో ఉన్నట్లు క్రియేట్ చేయడం ప్రస్తుతం కొంతమందికి అలవాటయింది. అయితే ప్రస్తుతం మనం చెప్పుకునే జంట ఎవరంటే.. మౌనరాగం సీరియల్ లో నటించిన ప్రియాంక జైన్ మరియు శివ కుమార్. ప్రియాంక జైన్ మొదట్లో కొన్ని సినిమాల్లో నిటించినా అంతగా పేరు రాలేదు. తర్వాత మౌనరాగం సీరియల్ లో లీడ్ రోల్ పాత్ర చేసింది. మౌనరాగం సీరియల్ ఎంత పెద్ద హిట్ అయిందో.. అదే తరహాలో వీరి జంట కూడా అతి పెద్ద హిట్ అయింది.

అమ్ములుగా ఓ మూగ క్యారెక్టర్ చేసిన ప్రియాంక ప్రేక్షకులను మెప్పించింది. తన నటన, అభినయంతో తనకంటూ ఓ స్థానాన్ని ఏర్పరచుకుంది. దీంతో ఆమెకు మౌనరాగం సీరియల్ తర్వాత జానకి కలగనలేదు సీరియల్ లో అవకాశం లభించింది. ఇక మౌనరాగం సీరియల్ లో అంకిత్ క్యారెక్టర్ చేసిన శివ కుమార్ కూడా నటనలో తనకంటూ పేరు తెచ్చుకున్నాడు. అయితే ఆ సీరియల్ నుంచే వీరిద్దరు ప్రేమ ఉందని.. పుకార్లు వచ్చిన సంగతి తెలిసిందే. వీరిద్దరు సోషల్ మీడియాలో తెగ యాక్టీవ్ గా ఉంటారు. ఫొటోలను షేర్ చేస్తూ తమ అభిమానులకు టచ్ లో ఉంటున్నారు. వీరిద్దరు ఎక్కువ దూరం ట్రావెల్ చేస్తుంటారని.. రాత్రి పబ్ లు, పార్టీలు అంటూ తిరుగుతుంటారని.. వీరిద్దరి మధ్య లైవ్ కాల్స్ కూడా నడుస్తున్నాయని సోషల్ మీడియలో వార్తలు హల్ చల్ చేస్తున్నాయి.

అయితే వీరి మధ్య ఎన్నో జరిగాయని వార్తలు వస్తున్న సమయంలో ఈ మధ్యన ఇద్దరు ఒకే కలర్ డ్రస్ వేసుకొని గుడిలో దర్శనమిచ్చారు. అచ్చం భార్యభర్తలులాగా ఉన్న ఈ ఫొటో సోషల్ మీడియాలో తెగ వైరల్ అవుతోంది. తాజాగా లైవ్ కి వచ్చి మాట్లాడిన వీళ్లు.. వీటికి క్లారిటీ ఇచ్చే పని చేశారు. వీళ్ల పెళ్లి గురించి నెటిజన్లు ప్రశ్నల వర్షం కురిపించారు. అందులో ఒకరు మీరు పెళ్లి చేసకుంటున్నారా.. అని అడగడంతో ఒకరి మొహాలు ఒకరు చూసుకుంటూ.. నువ్వు చెప్పు అంటే నుమ్ము చెప్పు అని సరదాగా ప్రశ్నలు వేసుకున్నారు. అయితే దీనికి సమాధానం త్వరలోనే ఇస్తామని అన్నారు. మీరు అమ్ముల్ని లవ్ చేస్తున్నారా.. అని ఓ నెటిజన్ శివను అడగ్గా.. అవును అని సమాధానం ఇచ్చాడు. దీంతో వీరిద్దరి మధ్య ప్రేమ ఉందని క్లారిటీకి వచ్చేసింది. త్వరలో ఈ బుల్లితెర జంట పెళ్లిపీటలపై కూర్చుంటారని తెలుస్తోంది.