Adipurush Teaser: హిందూ దేవుళ్ళు బాడీబిల్డర్స్ కాదు… మీ డబ్బును వృధా చేసుకోకండి.. ఆది పురుష్ టీజర్ పై నటుడు ముఖేష్ కన్నా కామెంట్స్!

Adipurush Teaser: పాన్ ఇండియా స్టార్ హీరో ప్రభాస్ నటించిన ఆది పురుష సినిమా నుంచి తాజాగా టీజర్ విడుదలైన విషయం మనకు తెలిసిందే. అయితే ఈ టీజర్ పై రోజు రోజుకు పెద్ద ఎత్తున విమర్శలు వెళ్లవెత్తుతున్నాయి. ఇప్పటికే పలువురు రాజకీయ నాయకులు సిని సెలబ్రిటీలు ఈ టీజర్ పై స్పందిస్తూ వారి అభిప్రాయాలను తెలియజేశారు. ఈ క్రమంలోనే బాలీవుడ్ నటుడు ముఖేష్ కన్నా ఈ టీజర్ పై స్పందిస్తూ తన అభిప్రాయాన్ని తెలియజేశారు.

ఈ సందర్భంగా ఆయన మాట్లాడుతూ.. అందరూ నాతో ఏకీభవించకపోవచ్చు కానీ హిందూ దేవుళ్ళు బాడీబిల్డర్లు కాదు. వారి మొహాలు ఎంతో మృదువైన.. చూడటానికి గొప్ప రూపాన్ని కలిగి ఉంటాయి.ఇదివరకు మనం చూసిన రాముడికి గడ్డం మీసాలు లేవని నమ్ముతున్నాను అంటూ ఈయన ఈ టీజర్ పై స్పందించారు.

ఇక హనుమంతుడి ముఖచిత్రం ఎలా ఉంటుందో ఆయన ప్రతిరూపం ప్రతి ఒక్కరి మదిలో నిలిచిపోయింది. కానీ మీరు అతని పాత్రను సినిమాలో ఎలా చూపించారు. మీరు ఈ పాత్రల రూపాలను ఏమాత్రం మార్చలేరు. ఇక రావణాసురుడి పాత్రలో నటించిన సైఫ్ అలీ ఖాన్ పాత్ర గురించి కూడా ఈయన మాట్లాడుతూ.. రావణాసురుడి పాత్రకు మొగల్ లుక్ వచ్చిందని తెలియజేశారు.

Adipurush Teaser: రామాయణం తీస్తున్నామని చెప్పకండి..

విఎఫ్ ఎక్స్ తో వేలకోట్ల రూపాయలను ఖర్చు చేసి రామాయణం సినిమాని చేయలేరు. రామాయణం అంటే డబ్బుపై కాకుండా విలువలు, ప్రాధాన్యత, అందులో ఉండే డైలాగులు, లుక్స్ పై ఆధారపడి ఉంటుంది. అయితే మీరు మాత్రం రామాయణం సినిమాని అవతార్ లాగా తీయాలనుకుంటున్నారు. అలాంటప్పుడు రామాయణం చేస్తున్నామని చెప్పడం మానేయండి, ఆచారాలు ఇతిహాసాలను మార్చడం కోసం డబ్బును వృధా చేయకండి అంటూ ఈ సందర్భంగా ముఖేష్ కన్నా ఆది పురుష్ టీజర్ పై స్పందిస్తూ తన అభిప్రాయాన్ని వెల్లడించారు.