Bigg Boss Telugu OTT: పుట్టిన రెండు రోజులకే అన్నయ్య చనిపోయాడు….ఎమోషనల్ అయిన అనిల్!

Bigg Boss Telugu OTT: బుల్లితెరపై 24 గంటల పాటు ఎంటర్టైన్మెంట్ అందిస్తున్న మెగా షో బిగ్ బాస్ తెలుగులో ప్రారంభం అయిన విషయం తెలిసిందే. ఇప్పటికే హిందీ ఓటీటీలో ఈ షో సక్సెస్ అవడంతో తెలుగులోనూ స్టార్ట్ చేశారు. బిగ్ బాస్ నిర్వాహకులు. ఇక రోజూ ఆ ఇంటి సభ్యులు చేసే సందడితో, గొడవలతో ఇల్లంతా కోలాహలంగా ఉంది. కాగా 17 మందితో స్టార్ట్ అయిన ఈ షోలో ప్రస్తుతం 11 మంది ఉన్నారు.

అయితే వారం ఆరంభంలో ఇంటి సభ్యుల నామినేషన్ ప్రక్రియతో పాటు, అప్పుడప్పుడు బిగ్ బాస్ ఇచ్చే వినూత్న టాస్క్ లు అభిమానులను అలరిస్తున్నాయి. అందులో భాగంగా ఈ వారం బిగ్ బాస్, కంటెస్టంట్స్ కి ఇచ్చిన ప్రక్రియ చాలా ఇంట్రెస్టింగ్ గా ఉండనున్నట్టు తెలుస్తోంది.

తమ చిన్ననాటి జ్ఞాపకాలను గుర్తు చేసుకునే అవకాశాన్ని ఇంటి సభ్యులు సద్వినియోగం చేసుకున్నట్టు తెలుస్తోంది. ఈ సందర్భంగా వారు తమ తమ చిన్ననాటి జ్ఞాపకాలను నెమరు వేసుకుని ఎమోషనల్ అయ్యారు. అందులో భాగంగా శివ ఒక ఫొటోను చూపిస్తూ, ఈ ఫొటో తర్వాత అమ్మ వాళ్ళతో తాను కలిసి లేనని, అమ్మ తనను ఇంట్లోంచి పంపించేసింది అంటూ బాధ పడ్డాడు.

అమ్మ చెయ్యి మాత్రమే తెలుసు….

ఇక ఆ తర్వాత మిత్రా శర్మ కూడా తన చిన్ననాటి ఫొటో చూపిస్తూ, నన్ను పట్టుకున్న చేయి తన అమ్మది, కానీ తన కన్నతల్లిని ఎప్పుడూ చూడలేదు. అమ్మ చేయి మాత్రమే తనకు తెలుసు’ అంటూ వాపోయింది. ఇకపోతే అనిల్‌ కూడా తన భావాలను పంచుకున్నాడు. తన కంటే ముందు అన్నయ్య ఉండేవాడు, కానీ పుట్టిన రెండు రోజులకే చనిపోయాడు అంటూ ఏడ్చేశాడు. ఇక బిందుమాధవి కూడా తన అన్నయ్యతో దిగిన ఫొటోలు చాలా తక్కువ అని, అతడిని మిస్‌ అవుతున్నానని చెప్పడం అందరినీ కలచి వేస్తుంది. మొత్తానికి ఈ వారం ఈ షో అంత కొంత ఎమోషనల్ వాతావరణం నెలకొంటున్నట్టు తెలుస్తోంది.