Nagababu: మేధావులు ఏడవకండి… సినీ విమర్శకుల పై సంచలన వ్యాఖ్యలు చేసిన నాగబాబు!

Nagababu: తెలుగు చిత్ర పరిశ్రమలో నటుడిగా నిర్మాతగా ఎంతో పేరు ప్రఖ్యాతలు సంపాదించుకున్న వారిలో మెగా బ్రదర్ నాగబాబు ఒకరు. ఈయన ఎన్నో సినిమాలలో నటుడిగా నటించడమే కాకుండా నిర్మాతగా కూడా చిత్రాలను నిర్మిస్తూ మంచి గుర్తింపు పొందారు.ఇక నాగబాబు ప్రస్తుతం సినిమా ఇండస్ట్రీకి సంబంధించిన విషయాలతో పాటు రాజకీయాలలో కూడా ఎంతో బిజీగా ఉన్న విషయం మనకు తెలిసిందే. ఈ క్రమంలోనే ఈయన సినిమాలకు రాజకీయాలకు సంబంధించిన విషయాల గురించి తరచూ సోషల్ మీడియాలో ప్రస్తావిస్తూ ఉంటారు.

ఈ క్రమంలోనే తాజాగా సినీ విమర్శకుల గురించి నాగబాబు చేసినటువంటి కామెంట్స్ ప్రస్తుతం సోషల్ మీడియాలో వైరల్ అవుతున్నాయి. ఈ సందర్భంగా నాగబాబు సినీ విమర్శకుల గురించి మాట్లాడుతూ… సినిమాల వల్ల జనాలు చెడిపోతున్నారని చాలామంది మాట్లాడుతున్నారు అయితే సినిమాల వల్ల ఎవరు చెడిపోరని సినిమాలు కేవలం ఒక వ్యాపారం మాత్రమేనని తెలిపారు.

సినిమాలలో జరుగుతున్న హింస వల్ల చాలామంది చెడిపోతున్నారని భావించినప్పుడు సినిమాల ద్వారా చూపించే మంచి వల్ల కూడా చాలామంది బాగుపడాలి కదా అని ప్రశ్నించారు. సినిమాలు బాగుపడాలని, చెడిపోవాలని ఉద్దేశంతో ఎవరు చేయరని ఇది కేవలం ఎంటర్టైన్మెంట్ కోసం మాత్రమే చేస్తున్నారని తెలిపారు.
ఇక సినిమాలలో ఏదైనా ఓవర్ గా ఉంటే సెన్సార్ ఉంది.

Nagababu: సినిమా వ్యాపారం మాత్రమే…

సినిమాల వల్ల చెడిపోతున్నారని భావించే వారికి నేను చెప్పే సమాధానం ఇదే సినిమా ఒక వ్యాపారం మాత్రమే…కుహనా మేధావులు ఏడవకండి అంటూ ఈయన వరుస ట్వీట్లు చేశారు. దీంతో ఈయన చేసినటువంటి ట్వీట్స్ ప్రస్తుతం వైరల్ అవుతున్నాయి.ఇక ఈయన వ్యాఖ్యలపై కాంట్రవర్సీ డైరెక్టర్ రామ్ గోపాల్ వర్మ స్పందిస్తూ నాగబాబు చెప్పినది నిజమే నంటూ ఈ ట్వీట్లను షేర్ చేశారు.