Expensive cars in Tollywood: జక్కన్న నాగ చైతన్య ఇద్దరు ఒక విషయంలో కామన్ అదేంటో తెలుసా…!

Expensive cars in Tollywood : సినిమా సెలబ్రిటీస్ అనగానే వారు వాడే విలాసవంతమైన వస్తువులపై ఎక్కువ ఫోకస్ చేస్తారు జనాలు.ఎక్కువగా వాళ్ళు వాడే కారుల గురించి ఆరా తీస్తుంటారు. ఇప్పుడు కూడా అలాంటి చర్చే మళ్ళీ తెర పైకి వచ్చింది. ఇటీవలే నాగచైతన్య కారు అద్దాలకు ఫుల్ బ్లాక్ ఫిల్మ్ ఉండటంతో ట్రాఫిక్ పోలీసులు కారుకు జరిమానా విధించారు. ఇక ఈ ఇష్యూలో జనాలు నోటీసు చేసింది మాత్రమే నాగచైతన్య వాడుతున్న కారేంటి అని.ఇక దర్శక ధీరుడు రాజమౌళి కూడా వాడే కారు అదేనట.ఇంతకీ అదేం కారో తెలుసా…టయోటా వెల్‌ఫైర్ ఇది పూర్తిగా లగ్జరీ ఎమ్ పి వి కారు.

అంత స్పెషల్ ఈ కారులో ఏముందో….

టయోటా వెల్‌ఫైర్ కారు విలాసవంతమైన మరియు విశాలమైన కారు. ఇక ఈ కారులో సేఫ్టీ ఫీచర్స్ కూడా సూపర్. అందుకే ఈ కారు అంత స్పెషల్ ఇక ఈ కారులో మొత్తం మూడు వరుసల్లో సీట్లు ఉంటాయి. ఇవి ఎగ్జిక్యూటివ్ లాంజ్‌లో ఉండే ఛైర్‌లను తలపిస్తాయి. వెల్‌ఫైర్ లోని డ్రైవర్, ప్యాసింజర్ సీట్లు, 2వ వరుసలో సీట్లలో స్ప్లిట్ సన్‌రూఫ్, ఆర్మ్‌రెస్ట్, సాఫ్ట్ రీడింగ్ లైట్, సీట్ పొజిషన్‌లను సర్దుబాటు చేయడానికి రిమోట్ కంట్రోల్ సిస్టమ్ వంటి ఫీచర్లు ఉన్నాయి. వెనుక ప్రయాణీకుల ఎంటర్‌టైన్మెంట్ కోసం స్క్రీన్, JBL ఆడియో సిస్టమ్, ప్రైవసీ స్క్రీన్‌లు ఉన్నాయి. ఇక ఈ కార్లలోని సీట్లు వెనక్కి కదులుతాయి. అలాగే కాళ్లను విశ్రాంతిగా పెట్టుకునేందుకు కూడా ఏర్పాట్లు ఉన్నాయి. డిక్కీలో లగేజీ కోసం అదనపు స్థలాన్ని పొందడానికి మూడవ వరుస సీట్లను పూర్తిగా మడిచివేయొచ్చు. ప్రమాదం జరిగినప్పుడు లోపల ఉన్నవారిని సురక్షితంగా ఉంచడానికి ఇందులో ఏడు ఎయిర్‌బ్యాగ్‌లు ఉన్నాయి.

ABS, బ్రేక్ అసిస్ట్ సిస్టమ్‌లు,పానిక్ బ్రేకింగ్ పరిస్థితులలో సహాయపడతాయి. ట్రాక్షన్ కంట్రోల్, స్టెబిలిటీ కంట్రోల్ సిస్టమ్‌ కూడా ఈ కారులో ఉంది. వ్యాన్‌ను తలపించే ఈ కారును పార్క్ చేయడం కూడా సులభమే. ఇందుకు పార్కింగ్ సెన్సార్‌లతో పాటు 360-డిగ్రీ కెమెరా కూడా ఉంటుంది. కారు విశాలంగా ఉండటం వల్ల ప్రయాణికులకు తగినంత లెగ్‌రూమ్, హెడ్‌రూమ్, లంబార్ సపోర్ట్‌ను లభిస్తుంది. కారు సెల్ఫ్ -ఛార్జింగ్ హైబ్రిడ్ సిస్టమ్‌తో పనిచేస్తుంది. ఆటోమేటిక్ స్లైడింగ్ డోర్లు ఈ కారు ప్రత్యేకత. చిన్న బటన్ నొక్కితే చాలు కారు డోర్లు వాటికవే తెరుచుకుంటాయి. ఇది ఎలక్ట్రిక్ + పెట్రోల్‌తో నడిచే హైబ్రిడ్ కారు. మైలేజీ లీటర్‌కు 16.35 కిమీలు వరకు ఇస్తుందట. వెల్‌ఫైర్ కారు మొత్తం పొడవు 4935mm, వెడల్పు 1850mm, ఎత్తు 1895mm. ఇది DRLలతోపాటు ఆటోమేటిక్ LED హెడ్‌ల్యాంప్‌లు ఉంటాయి. ఇన్ని ప్రత్యేకతలు ఉన్నా ఈ కారు ధర ఎంతో తెలుసా అక్షరాలా 87 లక్షల నుంచి రూ.90 లక్షల వరకు ఉంది. ఇక ఆన్ రోడ్ ధరైతే 1కోటి 11లక్షలు మాత్రమే. ఆస్తులమ్మినా మనలాంటి వాళ్లు ఇలాంటి కారును కొనలేరేమో.