Nagarjuna: ఆ క్షణం అఖిల్ వల్ల అమల చాలా ఇబ్బంది పడింది… నాగార్జున కామెంట్స్ వైరల్!

Nagarjuna: అక్కినేని వారసుడు అక్కినేని అఖిల్ ప్రస్తుతం ఏజెంట్ సినిమా ద్వారా ప్రేక్షకుల ముందుకి రావడానికి సిద్ధంగా ఉన్నాడు. అక్కినేని నాగార్జున వారసుడిగా ‘ అఖిల్ ‘ సినిమా ద్వారా హీరోగా ఇండస్ట్రీలో అడుగుపెట్టిన అఖిల్ ఇప్పటివరకు సాలిడ్ హిట్ అందుకోలేదు. ఇక ప్రస్తుతం ప్రముఖ దర్శకుడు సురేందర్ రెడ్డి దర్శకత్వంలో రూపొందిన ఏజెంట్ సినిమా ద్వారా ప్రేక్షకుల ముందుకి రాబోతున్నాడు.

ఏప్రిల్ 28వ తేదీన ఈ సినిమా థియేటర్లలో విడుదల కాబోతోంది. ఈ క్రమంలో సినిమా ప్రమోషన్ పనులు జోరుగా సాగుతున్నాయి. ఈ క్రమంలో తాజాగా ఏప్రిల్ 23న సినిమా ప్రీ రిలీజ్ ఈవెంట్ ఘనంగా నిర్వహించారు. వరంగల్‌లోని రంగలీలా మైదానంలో ఏజెంట్ ప్రీ రీలిజ్‌ వేడుకలు ఘనంగా జరిగాయి. ఈ ప్రీ రిలీజ్ వేడుకకు అక్కినేని నాగార్జున చీఫ్ గెస్ట్‌‌గా వచ్చారు. అలాగే మంత్రి ఎర్రబెల్లి దయాకర్ రావు తో పాటు పలువురు ఎమ్మెల్యేలు కూడా హాజరయ్యారు.

ఈ ఫ్రీ రిలీజ్ ఈవెంట్ లో అఖిల్ గురించి నాగార్జున ఆసక్తికర విషయాలు వెల్లడించాడు. ఈవెంట్ లో నాగార్జున మాట్లాడుతూ..” ‘అఖిల్‌ ఎనర్జీ గురించి ఎంత చెప్పినా తక్కువేనని, తను వాళ్లమ్మ కడుపులో ఉండగానే.. తన ఎనర్జీ లెవల్స్‌ ఏంటో మాకు చూపించాడని తెలిపాడు. అఖిల్ కి 8 నెలల వయసు ఉన్నపుడే విపరీతమైన ఎనర్జీ ఉండేదని.. పడుకోకుండా ఎప్పుడూ పరుగెత్తుతూ ఉండేవాడు. దాంతో మేం కంగారు పడి.. డాక్టర్ దగ్గరకు తీసుకెళ్తే.. ఆయన అఖిల్‌ను సాయిల్ మీద పడుకోబెట్టమని సలహా ఇచ్చారు.

Nagarjuna: అఖిల్ ఎనర్జీని సురేందర్ రెడ్డి బయటకి తీశారు…

అలా తనలోని ఎనర్జీని బయటకు లాగాలని డాక్టర్ సూచించారని నాగర్జున తెలిపాడు. ఈ సినిమాలో కూడా అఖిల్ ఎనర్జీని డైరెక్టర్ సురేందర్ రెడ్డి అలానే బయటకు తీశారు అంటూ అఖిల్ ఎనర్జీ గురించి నాగార్జున ఆసక్తికర విషయాలు వెల్లడించాడు. ఇలా అఖిల్ గురించి నాగార్జున చేసిన ఈ కామెంట్స్ సోషల్ మీడియాలో వైరల్ అవుతున్నాయి.