అభిమానులతో పుట్టినరోజు వేడుకలు జరుపుకున్న నందమూరి మోక్షజ్ఞ.. ఫోటోలు వైరల్..

నందమూరి నటసింహం బాలకృష్ణ కొడుకు నందమూరి మోక్షజ్ఞ తన అభిమానులకు ఊహించని సర్ప్రైజ్ ఇచ్చారు. సాధారణంగా కెమెరా ముందుకు రావడానికి ఇష్టపడని మోక్షజ్ఞ ఏకంగా తన అభిమానుల మధ్య పుట్టిన రోజు వేడుకలను జరుపుకున్నారు. సెప్టెంబర్ 6వ తేదీ మోక్షజ్ఞ పుట్టినరోజు కావడంతో ఆయన అభిమానులు మోక్షజ్ఞకు సోషల్ మీడియా వేదికగా పుట్టినరోజు శుభాకాంక్షలు తెలియజేశారు.

ఈ క్రమంలోనే కొందరు నందమూరి అభిమాన సంఘం నాయకులు నేరుగా బాలకృష్ణ ఇంటికి వెళ్లి తన కొడుకు మోక్షజ్ఞకు బోకెలూ ఇస్తూ పుట్టినరోజు శుభాకాంక్షలు తెలియజేశారు. ఈ క్రమంలోనే మోక్షజ్ఞ అభిమానుల మధ్య కేక్ కట్ చేస్తూ పుట్టిన రోజు వేడుకలను జరుపుకున్నారు.సాధారణంగా బయట కనిపించడానికి ఇష్టపడని మోక్షజ్ఞ ఇలా తన పుట్టిన రోజును అభిమానుల మధ్య జరుపుకోవడంతో నందమూరి అభిమానుల ఆనందానికి అవధులు లేవని చెప్పవచ్చు.

నేడు(సెప్టెంబర్ 6) పుట్టిన రోజు జరుపుకుంటున్న మోక్షజ్ఞ బర్త్ డే సీడీపీని దర్శకుడు గోపీచంద్ మలినేని లాంచ్ చేశారు.ప్రస్తుతం “అఖండ” సినిమా షూటింగ్ పూర్తి చేసుకున్న బాలకృష్ణ తన తదుపరి చిత్రాన్ని గోపిచంద్ మలినేని దర్శకత్వంలో చేయనున్న సంగతి మనకు తెలిసిందే. ఇకపోతే గత రెండు సంవత్సరాల నుంచి మోక్షజ్ఞ సినిమా ఎంట్రీ ఇవ్వబోతున్నారని పెద్ద ఎత్తున వార్తలు వచ్చినప్పటికీ ఇప్పటి వరకు మోక్షజ్ఞ ఇండస్ట్రీలోకి అడుగు పెట్టలేదు.

ఈ పుట్టిన రోజు తర్వాత అయినా మోక్షజ్ఞ సినిమా ఎంట్రీ గురించి స్పష్టత ఇస్తారేమోనని నందమూరి అభిమానులు ఎంతో ఆతృతగా ఎదురుచూస్తున్నారు. ఈ క్రమంలోనే అభిమానులతో కలిసి కేక్ కట్ చేసినటువంటి ఫోటోలను నందమూరి అభిమానులు సోషల్ మీడియాలో షేర్ చేయగా ఈ ఫోటోలు సోషల్ మీడియాలో వైరల్ గా మారి నందమూరి అభిమానులను ఆకట్టుకున్నాయి.