అన్ స్టాపబుల్ కార్యక్రమంలో బాలయ్యను సర్ ప్రైజ్ చేసిన నాని..!

ప్రస్తుతం బాలకృష్ణ వరుస సినిమాలతో దూసుకుపోతున్నాడు. అయితే ఇంతవరకూ వెండితెరపై ఎంతోమంది ప్రేక్షకులను ఆలరించిన బాలకృష్ణ మొదటిసారిగా బుల్లితెరపై అన్ స్టాపబుల్ అనే షోకి హోస్ట్ వ్యవహరిస్తున్నాడు. ఇప్పటివరకు వెండితెరపై అలరించిన బాలకృష్ణ ఇప్పుడు బుల్లితెరపై కూడా తన హవా చూపిస్తున్నాడు.

ఈ షో తొలి ఎపిసోడ్ ను మంచు మోహన్ ఫ్యామిలీతో చిత్రీకరించారు. దీపావళి పండుగ సందర్భంగా ప్రసారమైన ఈ షో భారీగా రెస్పాన్స్ ను అందుకుంది. మొదటి షో తోనే ఆన్లైన్ వేదికపై బాలయ్య మార్క్ ఏంటో కనిపించింది. అయితే తాజాగా అన్ స్టాపబుల్ సెకండ్ ఎపిసోడ్ కి సంబంధించిన ప్రోమో రిలీజ్ చేశారు. ఇందులో టాలీవుడ్ హీరో నాచురల్ స్టార్ నానితో కలసి చిందులు వేశారు బాలకృష్ణ.

ఇక ఈ ఎపిసోడ్లో బాలకృష్ణకు నాని ఒక సర్ప్రైజ్ ఇచ్చారు. ఈ సర్ప్రైస్ తో బాలయ్య పదేళ్లు వెనక్కి వెళ్లారు. అయితే నాని ఇచ్చిన ఆ సర్ప్రైజ్ ఏమిటంటే బసవతారకం క్యాన్సర్ ఆస్పత్రిలో బాలకృష్ణ సహాయంతో ఆ అమ్మాయికి చికిత్స జరిగిందని నాని తెలిపాడు. అయితే కొన్నేళ్ల తర్వాత సహాయం పొందిన చిన్నారిని తెలుసుకున్నందుకు బాలకృష్ణ సంతోషాన్ని వ్యక్తం చేస్తూ ఆ చిన్నారి ని ఆప్యాయంగా కౌగిలించుకున్నాడు.

ఈ ఎపిసోడ్ ని చూసిన అభిమానులు ఎప్పుడో 2011 జరిగిన సంఘటన ఇవాళ నాని గుర్తు చేస్తే తప్పా బయటకు రాలేదు. బాలకృష్ణ చాలామందికి తెలియకుండా ఎన్నో ప్రాణాలను నిలబెట్టాడు. అతను చేసిన సహాయాన్ని ఎవరికీ తెలియనివ్వడు. అంతేకాకుండా తన సహాయం వల్ల ఒక జీవితం బాగుపడితే చాలు అని సంతోషిస్తాడనీ నెటిజన్స్ బాలయ్య ఫై ప్రశంసల వర్షం కురిపిస్తున్నారు.