Nayanthara-Vignesh: పెళ్లి కాలేదు కానీ..అన్నీ జరిగిపోతున్నాయిగా..!

Nayanthara-Vignesh: నయనతార- విఘ్నేష్ శివన్ ఈ జంట ఏ సెలబ్రేషన్, ఏ అకేషన్ ఉన్నా.. విదేశాల్లో వాలిపోతున్నారు. గత మూడేళ్లుగా ఇద్దరు రిలేషన్ లో ఉన్నారు. ఇద్దరు లివింగ్ టుగేదర్ రిలేషన్ మెంటెయిన్ చేస్తున్నారు. ఏ మాత్రం సమయం దొరికినా..  ఈ ప్రేమ పక్షులు విదేశాలకు చేక్కేస్తున్నారు. తాజాగా న్యూ ఇయర్ సెలెబ్రేషన్ల కోసం ఇటీవల దుబాయ్ కి వెళ్లారు.

అక్కడే న్యూ ఇయర్ వేడుకలను ఘనంగా జరుపుకున్నారు. బుర్జ్ ఖలీఫా ముందు  ఈ ఇద్దరు లవర్స్ తెగ ఫోజులు ఇచ్చారు. ఇప్పుడు ఈ ఫోటోలు నెట్టింట వైరల్ గా మారాయి. అయితే విదేశాలకు తిరుగుతూ.. తెగ ఎంజాయ్ చేస్తున్న ఈ జంట మాత్రం పెళ్లి ఎప్పుడంటే.. నోరు మొదపడం లేదు.

గత మూడేళ్లుగా  లవ్ లో ఉన్న వీరు పెళ్లి ఎప్పుడంటే మాత్రం రేపు మాపు అంటూ రోజులను దాటేస్తున్నారు.
గతంలో కూడా పలు సందర్భాల్లో నయన్- విఘ్నేష్ శివన్ లు ఇద్దరూ తెగ ఎంజాయ్ చేస్తున్న ఫోటోలు సోషల్ మీడియాలో పెట్టారు. ఏ పండగ వచ్చినా ఇద్దరు కలిసి జరుపుకుంటున్నారు.

ప్రైవేటు విమానంలో ఇద్దరూ కేరళకు..

ఇటీవల ఓనం జరిగిన సమయంలో ప్రైవేటు విమానంలో ఇద్దరు కేరళకు వెళ్లారు. అక్కడే పండగను సెలబ్రేట్ చేసుకుంటున్నారు.  ప్రస్తుతం సౌత్ ఇండియాలో మోస్ట్ పాపులర్ హీరోయిన్ ఎవరంటే ఖచ్చితంగా చెప్పే పేరు నయనతార. ఈ అమ్మడు హీారోలకు ధీటుగా పారితోషకం తీసుకుంటూ.. తన రేంజ్ ను పెంచుకుంది. గతంలో శింబుతో ప్రేమాయణం చేసిన నయన్ ఆ బంధాన్ని ఎక్కువ రోజులు కాపాడుకోలేకపోయింది. తరువాత భార్య ఉండి ఇద్దరు బిడ్దలు ఉన్న ప్రభుదేవాతో లవ్ ఎఫైర్ నడిపింది. పెళ్లి చేసుకుంటారన్న సమయంలో మళ్లీ వీరిద్దరు విడిపోయారు. తాజాగా విఘ్నేష్ శివన్ తో రిలేషన్ షిప్ లో ఉంది. అయితే ఇది ఎప్పుడు పెళ్లికి దారితీస్తుందో తెలియాలి.