Neha Chowdary: రేవంత్ నామినేట్ చేయడం వల్లే నేను ఎలిమినేట్ అయ్యాను.. రేవంత్ పై నేహా షాకింగ్ కామెంట్స్!

Neha Chowdary: బిగ్ బాస్ కార్యక్రమం మూడవ వారం పూర్తి కావడంతో మూడవ వారంలో ఇంటి నుంచి నేహా చౌదరి ఎలిమినేట్ అయిన విషయం మనకు తెలిసిందే. అయితే ఈమె ఎలిమినేషన్ అందరిని ఆశ్చర్యానికి గురిచేసింది. స్పోర్ట్స్ యాంకర్ గా ఎంతో ఫాలోయింగ్ ఉన్నటువంటి నేహా ఎలిమినేట్ కావడం ఏంటి అని అందరూ భావించారు. అయితే ఈమె ఎలిమినేట్ కావడంతో బిగ్ బాస్ వేదికపై ఎమోషనల్ అవుతూ కన్నీళ్లు పెట్టుకున్నారు.

 

ఇలా బిగ్ బాస్ నుంచి ఎలిమినేట్ అయిన నేహా చౌదరి బిగ్ బాస్ బజ్ కార్యక్రమంలో పాల్గొన్నారు. ఈ కార్యక్రమంలో భాగంగా మరోసారి తన ఎలిమినేషన్ పై ఎమోషనల్ అయ్యి ఈమె షాకింగ్ కామెంట్స్ చేశారు. హౌస్ లో కొంతమంది మినహా మిగిలిన అందరూ కూడా బిగ్బాస్ ఇచ్చే టాస్క్ లో ఎలాగైనా గెలవాలని తప్పుడు మార్గంలో ఆడుతున్నారని ఇది సరైన పద్ధతి కాదు అంటూ ఈమె సంచలన వ్యాఖ్యలు చేశారు.

ఇక బిగ్ బాస్ హౌస్ లో రేవంత్ తో తనకు జరిగిన గొడవ గురించి నేను అతనికి క్లారిటీ ఇచ్చాను అయినా తనని నామినేట్ చేశారు.రేవంత్ ఆరోజు నామినేట్ చేయడం వల్లే నేను ఎలిమినేట్ అయ్యాను అంటూ ఈ సందర్భంగా రేవంత్ గురించి మాట్లాడుతూ ఎమోషనల్ అయ్యారు. రేవంత్ చాలా కన్నింగ్ గేమ్ ఆడుతున్నారు అంటూ ఈమె అతనిపై ఆరోపణలు చేశారు.

Neha Chowdary: గెలవడం కోసం అడ్డదారులు వెతుకుతున్నారు..

ఇక బిగ్ బాస్ హౌస్ లో గీతు రాయల్ తనపై గెలవడం కోసం ఏం చేయడానికి అయినా సిద్ధంగా ఉందని అయితే తన పద్ధతి ఏమాత్రం బాగా లేదంటూ ఈమె ఆరోపణలు చేశారు. సుదీప, బాలాదిత్య, చంటి, శ్రీహాన్, ఆదిరెడ్డి,శ్రీ సత్య వంటి కొందరు కంటెస్టెంట్లు మాత్రమే ఈ ఆటను సక్రమంగా ఆడుతున్నారు మిగిలిన వారంతా కూడా గెలవడం కోసం ఏం చేయడానికైనా వెనకాడరు అంటూ ఈ సందర్భంగా ఈమె చేసిన కామెంట్స్ వైరల్ అవుతున్నాయి.