Neha Chowdary: ఆర్జీవీతో నాగార్జునకున్న స్నేహం వల్లే ఇనయా సేవ్ అయ్యారు.. నేహా కామెంట్స్ వైరల్!

Neha Chowdary: బిగ్ బాస్ కార్యక్రమం ఇప్పటికే మూడు వారాలను పూర్తి చేసుకొని నాలుగవ వారం కొనసాగుతోంది.ఇలా మూడు వారాలు పూర్తి చేసుకున్న ఈ కార్యక్రమం మూడవ వారంలో అనుకోని విధంగా బిగ్ బాస్ ఇంటి నుంచి నేహా చౌదరి ఎలిమినేట్ అయ్యారు. ఇలా నేహా ఎలిమినేట్ కావడంతో ఒక్కసారిగా అందరూ ఆశ్చర్యం వ్యక్తం చేశారు.

ఈ క్రమంలోనే బిగ్ బాస్ నుంచి బయటకు వెళ్లిన నేహా చౌదరి పలు ఇంటర్వ్యూలలో పాల్గొని ఈ కార్యక్రమం గురించి నాగార్జున గురించి ఆసక్తికరమైన వ్యాఖ్యలు చేశారు.నేను బిగ్ బాస్ నుంచి బయటకు వచ్చాను అంటే చాలామంది ఆశ్చర్యపోతున్నారు అసలు ఎలాంటి పర్ఫామెన్స్ చేయని వాళ్ళు హౌస్ లో కొనసాగుతున్నారు నేను బయటికి రావడం ఏంటి అని అందరూ ఆశ్చర్యపోతున్నారంటూ ఈమె వెల్లడించారు.

ఇక బిగ్ బాస్ హౌస్ లో ఉన్నటువంటి కొందరికి కంటెంట్ల పేర్లను తాను ప్రస్తావించనని వాళ్లు కంటెంట్ ఇవ్వకపోయినా హౌస్ లో కొనసాగుతున్నారు అంటూ ఈమె వెల్లడించారు.ఒకవేళ నేను తప్పు చేసి ఉంటే నన్ను ఎపిసోడ్లో ఎందుకు హైలెట్ చేయలేదు అంటూ ఈమె ప్రశ్నించారు. ఇనయ గురించి బిగ్ బాస్ హౌస్ లో చాలామంది రాంగ్ గా మాట్లాడారు అయితే వీకెండ్ లో నాగార్జున వచ్చి సీన్ రివర్స్ చేసి నాదే తప్పు అన్నట్టు మాట్లాడారు.

Neha Chowdary: వర్మ పోస్టుతోనే ఇనయా సేవ్ అయ్యారు…

నాగార్జున గారికి రాంగోపాల్ వర్మతో మంచి స్నేహం ఉంది ఈ క్రమంలోనే ఇనయ బిగ్ బాస్ హౌస్ లో కొనసాగాలంటూ వర్మ చేసిన ఒక్క పోస్టుతో ఎలిమినేషన్ మొత్తం తారుమారు అయిందని, ఆ ఒక్క పోస్టుతోనే తాను సేవ్ అయ్యి నేను హౌస్ నుంచి ఎలిమినేట్ అయ్యాను అంటూ ఈమె ఆవేదన వ్యక్తం చేశారు. అలాగే హోస్ట్ నాగార్జున గారు కూడా ఫెయిర్ గా ఉండడం లేదని దీనిపై తాను ఎలాంటి కామెంట్స్ చేయదలచుకోలేదు అంటూ నేహా చేసిన ఈ కామెంట్స్ ప్రస్తుతం వైరల్ అవుతున్నాయి.