Nirmalamma: ఏంతో మందికి అన్నం పెట్టిన నిర్మలమ్మను చివరి రోజుల్లో పెంచుకున్న పిల్లలు ఎలా ఇబ్బంది పెట్టారో.. షాకింగ్ విషయాలు బయటపెట్టిన సీనియర్ జర్నలిస్ట్ ఇమంది రామారావు

Nirmalamma: తెలుగు చిత్ర పరిశ్రమలో నటినిర్మలమ్మ గురించి ప్రత్యేకంగా చెప్పాల్సిన పనిలేదు.సహజనటిగా ఎన్నో వందల సినిమాలలో నటించి ఎంతో పేరు ప్రఖ్యాతలు సంపాదించుకున్న నిర్మలమ్మ చివరి వరకు సినిమాలలో నటిస్తూ ఎంతోమంది ఆదరాభిమానాలను సొంతం చేసుకున్నారు. ఇక ఈమె వయసు పై పడటంతో చనిపోవడానికి కొన్ని నెలల ముందు సినిమాలకు దూరమయ్యారు.

ఇకపోతే నిర్మలమ్మ సినిమాలలో ఎంతో సహజత్వంగా నటిస్తూ ఎంతో మంచి ఆదరణ పొందారో వ్యక్తిగత జీవితంలో కూడా ఆమె అలాంటి ఆదరాభిమానాలను సొంతం చేసుకున్నారు. ఈమెకు పిల్లలు లేకపోతే సమీప బంధువుల పిల్లలను పెంచుకొని పెద్ద చేశారు అయితే ఈమె చివరి రోజులలో మాత్రం చాలా దారుణమైన పరిస్థితులను ఎదుర్కొన్నారని తాజాగా ఓ ఇంటర్వ్యూలో పాల్గొన్నటువంటి సీనియర్ జర్నలిస్ట్ ఇమంది రామారావు గారు వెల్లడించారు.

ఈ సందర్భంగా ఆయన మాట్లాడుతూ తెలుగు చిత్ర పరిశ్రమలో నిర్మలమ్మ సహజ నటిగా మాత్రమే కాకుండా ఎంతో మంచి మనసున్న వ్యక్తిగా పేరు ప్రఖ్యాతలు పొందారు.ఎవరు కూడా ఆకలితో ఉండకూడదని ఎంతోమంది కడుపు నింపిన ఆమె చివరి రోజులు మాత్రం చాలా దుర్భరమైన పరిస్థితులను ఎదుర్కొన్నారని ఈయన తెలిపారు.

Nirmalamma: డయాబెటిస్ సమస్యతో బాధపడ్డారు…

నిర్మలమ్మ పెంచి పెద్ద చేసిన పిల్లలు చివరి రోజుల్లో ఆమెను పట్టించుకోవడంలేదని ఆమె డయాబెటిస్ సమస్యతో బాధపడుతూ ఆ విషయాన్ని గుర్తించక ఎంతో ఇబ్బంది పడుతూ తన చివరి రోజులు గడిపారని ఈ సందర్భంగా జర్నలిస్టు రామారావు పేర్కొన్నారు. తాను దత్తత తీసుకొని పెంచి పెద్ద చేసిన పిల్లలు చివరి రోజులలో తన పట్ల నిర్లక్ష్యం వహించారని ఈయన తెలియజేశారు. ఇలా పిల్లలు నిర్లక్ష్యానికి తోడు డయాబెటిస్ రావడంతో ఆమె కాలం చేశారని ఈయన వెల్లడించారు.