RRR Movie: ఆర్ఆర్ఆర్ కలెక్షన్లలో పావువంతు కూడా లేవు.. నోటి దూల మాత్రం ఎక్కువ!

RRR Movie: ప్రముఖ బాలీవుడ్ నటుడు జాన్ అబ్రహం పలు చిత్రాల్లో నటించి ఎంతో పేరు ప్రఖ్యాతలు సంపాదించుకున్నారు. అయితే ఎంత పెరున్నా, ఒక్కోసారి నోరు అదుపులో పెట్టుకోకపోతే, భంగ పడాల్సిందే అంటున్నారు నెటిజన్లు. అసలు ఏం జరిగింది? అందుకు అంతలా అతన్ని ట్రోల్ చేస్తున్నారు అన్న విషయానికొస్తే, ఇటీవల అయన నటించిన ఎటాక్ మూవీ ప్రమోషన్స్ లో భాగంగా, జాన్ సౌత్ ఇండియా మూవీ ఆర్ ఆర్ ఆర్ సినిమాపై చేసిన వ్యాఖ్యలు వైరల్ అయిన విషయం తెలిసిందే.

కాగా ఇటీవలే ఆ సినిమా రిలీజ్ కావడంతో, అతను అన్న కామెంట్స్ పై ప్రేక్షకులు తెగ మండి పడుతున్నారు. ఆర్ ఆర్ ఆర్ సినిమాకు భయపడి బాలీవుడ్ లో చాలా మంది తమ సినిమా రిలీజ్ ను ఆపుకున్నాయని, దేశంలో బాలీవుడ్ సినిమాలే ఫస్ట్ ప్లేస్ లో ఉన్నాయని ఆయన ఒకప్పుడు అన్న విషయం తెలిసిందే.

అంతే కాకుండా తాను హిందీ హీరోని అని, కాబట్టి హిందీలో తీసే చిత్రాల్లో మాత్రమే నటిస్తానని, రెమ్యునరేషన్ కోసమో, ఇంకా దేని కోసమో తాను సౌత్ సినిమాల్లో నటించనని ఆయన చెప్పారు. అయితే అప్పట్లో అతను చేసిన వ్యాఖ్యలు ఎవరూ అంత పట్టించుకోక పోయినా, ఇప్పుడు ఎటాక్ సినిమా రిలీజ్ కావడంతో ఆయన కామెంట్స్ తెగ వైరల్ అవుతున్నాయి.

నోటి దూల ఎక్కువ…

ఇక విషయానికొస్తే ఏ సినిమాని ఐతే జాన్ అబ్రహం విమర్శించారో, ఇప్పుడు ఆ సినిమానే రోజుకో ట్రెండ్ ను సృష్టిస్తూ వార్తల్లో నిలుస్తోంది. ఇప్పటికే రూ.600 కోట్ల వసూళ్లతో దూసుకు పోతూ ప్రపంచ వ్యాప్తంగా సునామీ సృష్టిస్తోంది. ఇక ఎటాక్ మూవీ విషయానికొస్తే, తాజాగా విడుదల అయిన ఈ చిత్రం తొలిరోజు రూ.3 కోట్లు వసూలు చేయగా, ఆర్ ఆర్ ఆర్ మాత్రం మొదటి రోజే రూ.20 కోట్లు అంటే, సగం కూడా ఎటాక్ సినిమా, ఆర్ ఆర్ ఆర్ ను రీచ్ కాలేకపోయింది. అంతే కాదు ఫస్ట్ వీక్ లో బాలీవుడ్ లో ఆర్ఆర్ఆర్ సినిమా దాదాపు రూ.130 కోట్లను వసూలు చేసి ట్రెండ్ ను సెట్ చేసింది. దీంతో అప్పుడు జాన్ అబ్రహం చేసిన వ్యాఖ్యలను, ఈ సినిమాకు ఆపాదిస్తూ పలువురు విమర్శిస్తున్నారు. ఈ క్రమంలోనే కొందరు ఆర్ఆర్ఆర్ సినిమా కలెక్షన్లలో పావు వంతు కూడా లేకపోయినప్పటికీ నోటి దూల మాత్రమే ఎక్కువగా ఉంది అంటూ కామెంట్లు చేస్తున్నారు.