Poonam Kaur: మూడు పెళ్లిళ్లు అయ్యాయి పర్వాలేదా.. పూనమ్ పోస్ట్ పవన్ గురించేనా?

Poonam Kaur: సినీనటి పూనమ్ కౌర్ తెలుగులో పలు సినిమాలలో నటించినప్పటికీ ఈమె పెద్ద ఎత్తున వార్తలలో నిలుస్తూ ఉంటారు. అయితే ఈమె సినిమాలలో నటించి పేరు ప్రఖ్యాతలు సంపాదించుకోవడం కంటే కూడా వివాదాస్పద పోస్టులు చేస్తూ పెద్ద ఎత్తున వార్తలలో నిలిచారు.

ఇక ఈమె పోస్ట్ చేస్తే కనుక ఎవరిని ఉద్దేశించి చేశారు అన్నది కూడా అర్థం కాకుండా పోస్టులు పెడుతూ ఉంటారు. ఇకపోతే ప్రస్తుతం ఆంధ్రాలో ఎన్నికలు జరగబోతున్నటువంటి తరుణంలో వైయస్ జగన్మోహన్ రెడ్డి పై ప్రశంసలు కురిపిస్తూనే పవన్ కళ్యాణ్ పట్ల పరోక్షంగా ఈమె చేస్తున్నటువంటి పోస్టులు సంచలనంగా మారాయి. తాజాగా మరోసారి మూడు పెళ్లిళ్లు అంటూ పరోక్షంగా పవన్ కళ్యాణ్ ని ఉద్దేశించే ఈమె సోషల్ మీడియా వేదికగా చేసిన పోస్ట్ వైరల్ అవుతుంది.

వైసీపీ ప్రభుత్వ సానుభూతి పరుడైన ఓ నెటిజన్… ఆంధ్రప్రదేశ్ లో టెస్లా కార్ల కంపెనీ ఏర్పాటు చేయాలని ఎలన్ మస్క్ ని రిక్వెస్ట్ చేశాడు. ఇక అతను లండన్ లో డాక్టర్ గా పనిచేయటం విశేషం ఇలా ఈ పోస్ట్ చేయడంతో వెంటనే పూనం ఈ పోస్ట్ పై స్పందిస్తూ ఆయనకు మూడు పెళ్లిళ్లు అయినా పర్వాలేదా అంటూ కామెంట్ చేశారు. ఎలన్ మస్క్ కి మూడు పెళ్లిళ్లు అయ్యాయి. వైసీపీ సానుభూతి పరుడిగా నీకు ఓకేనా అంటూ ఈమె చేసిన పోస్ట్ పరోక్షంగా పవన్ కళ్యాణ్ ని ఉద్దేశించి చేశారని తెలుస్తోంది.

పవన్ కళ్యాణ్ టార్గెట్..
పవన్ కళ్యాణ్ కూడా మూడు పెళ్లిళ్లు చేసుకున్న సంగతి మనకు తెలిసిందే. అయితే ఈ విషయం గురించి వైసిపి నేతలతో పాటు వైఎస్ జగన్మోహన్ రెడ్డి సైతం పలు సందర్భాలలో పవన్ కళ్యాణ్ పై విమర్శలు కురిపించడంతో ఈమె కూడా మూడు పెళ్లిళ్లు అయినా పర్వాలేదా అంటూ పవన్ కళ్యాణ్ ని టార్గెట్ చేస్తూనే ఈ పోస్ట్ చేశారని తెలుస్తుంది.