RRR Movie: వామ్మో.. ఆర్ఆర్ఆర్ సినిమాకు 500 కోట్ల ఆఫర్ ప్రకటించిన ఓటీటీ సంస్థ.. మేకర్ స్పందన ఏమిటంటే?

RRR Movie: రాజమౌళి దర్శకత్వంలో ఎంతో ప్రతిష్టాత్మకంగా తెరకెక్కిన ఆర్ఆర్ఆర్ సినిమా గురించి ప్రత్యేకంగా చెప్పాల్సిన పనిలేదు. ఎన్టీఆర్ రామ్ చరణ్ హీరోలుగా అద్భుతమైన కథాంశంతో సుమారు 450 కోట్ల భారీ బడ్జెట్ చిత్రంతో ఈ సినిమా ప్రేక్షకుల ముందుకు రావడానికి సిద్ధమయ్యింది.అయితే కరోనా కారణం వల్ల ఇప్పటికే ఈ సినిమా నాలుగు సార్లు విడుదల వాయిదా పడింది.

ఇదిలా ఉండగా ఈ సినిమా కోసం భారీ మొత్తంలో ఖర్చు చేసిన నిర్మాతకు ఫైనాన్షియర్ నుంచి అధిక ఒత్తిడి వస్తున్నట్లు తెలుస్తోంది. ఈ క్రమంలోనే సినిమా విడుదల విషయంలో నిర్మాత కాస్త టెన్షన్ లో ఉన్నట్లు సమాచారం. ఇకపోతే ఫైనాన్షియర్ దగ్గర నుంచి నిర్మాత తీసుకున్న 180 కోట్ల రూపాయలకు తాను బాధ్యుడిగా ఉంటానని రాజమౌళి చెప్పినట్లు సమాచారం.

ఎన్నో అంచనాల నడుమ జనవరి 7వ తేదీన ప్రేక్షకుల ముందుకు రావాల్సిన ఈ సినిమా వాయిదా పడింది. దీంతో ఆర్ఆర్ఆర్ సినిమాకు ఓ ప్రముఖ ఓటీటీ సంస్థ భారీ ఆఫర్ ప్రకటించినట్లు తెలుస్తోంది. ఈ సినిమాను డైరెక్ట్ గా ఓటీటీలో విడుదల చేయటానికి 500 కోట్లు ఆఫర్ ప్రకటించినట్లు సమాచారం.

ఈ సినిమా వారిద్దరికీ మంచి హిట్ ఇస్తుంది..

ఇలా ఓటీటీ సంస్థ 500 కోట్ల ఆఫర్ చేయడం అంటే భారీ మొత్తమే అని చెప్పాలి. ఇంత మొత్తంలో ఆఫర్ ప్రకటించినప్పటికీ మేకర్స్ మాత్రం ఈ ఆఫర్ ని సున్నితంగా తిరస్కరించారు. ఈ సినిమా ఇప్పటికే ఎన్నో సార్లు వాయిదా పడిన ప్రేక్షకులలో ఏమాత్రం అంచనాలు తగ్గడం లేదని, ఈ సినిమా థియేటర్లలో విడుదల అయితే రామ్ చరణ్, ఎన్టీఆర్ కు అద్భుతమైన హిట్ పడుతుందని ఆశాభావం వ్యక్తం చేశారు. ఈ క్రమంలోనే
ఓటీటీ సంస్థ ప్రకటించిన ఆఫర్ ను సున్నితంగా తిరస్కరించారు.