ఆ హీరోలను పొగుడుతూ అడ్డంగా దొరికిపోయిన బండ్ల గణేష్… బండ్ల పై ఫైర్ అవుతున్న పవన్ బన్నీ, ఫాన్స్?

Bandla Ganesh: టాలీవుడ్ ఇండస్ట్రీలో నటుడిగా నిర్మాతగా ఎంతో మంచి పేరు సంపాదించుకున్న బండ్ల గణేష్ గురించి పరిచయం అవసరం లేదు.అయితే ఈ మధ్యకాలంలో ఈయన ఎలాంటి సినిమాలను నిర్మించకపోయినా సినిమా ఇండస్ట్రీకి సంబంధించి ఏదో ఒక వివాదాస్పద వ్యాఖ్యలు చేస్తూ తరచు వార్తల్లో ఉంటున్నారు.గత రెండు రోజుల క్రితం విజయ్ దేవరకొండ చేసిన వ్యాఖ్యలపై స్పందిస్తూ బండ్ల గణేష్ ట్వీట్ చేసిన సంగతి మనకు తెలిసిందే.

తాతలు తండ్రులు ఉంటే సరిపోదు బ్రదర్ టాలెంట్ కూడా ఉండాలి. ప్రభాస్, మహేష్ బాబు, రామ్ చరణ్, ఎన్టీఆర్ లా టాలెంట్ కూడా ఉండాలి అంటూ విజయ్ దేవరకొండ వ్యాఖ్యలకు బండ్ల గణేష్ కౌంటర్ ఇచ్చారు.అయితే బండ్ల గణేష్ ఇక్కడ ఎవరిని పొగుడుతూ ఎవరిని విమర్శించారో తెలియడం లేదు.విజయ్ దేవరకొండకు కౌంటర్ ఇచ్చారా లేకపోతే ఈ హీరోలను పొగుడుతూ పవన్ కళ్యాణ్ అల్లు అర్జున్ వంటి హీరోలను అవమానించారా అనే విషయం తెలియడం లేదు.

ఇలా ఆ హీరోలందరిని పేర్లను ప్రస్తావించిన బండ్ల గణేష్ పవన్ కళ్యాణ్ అల్లు అర్జున్ పేర్లను ప్రస్తావించకపోవడంతో వీరి అభిమానులు బండ్ల గణేష్ పై ఫైర్ అవుతున్నారు. వీరిద్దరూ టాలెంటెడ్ యాక్టర్స్ కాదా..వీరి పేర్లు ప్రస్తావించకపోవడం ఏంటి అంటూ పెద్ద ఎత్తున బండ్లన్న పై ఫైర్ అవుతున్నారు. అల్లు అర్జున్ సైతం తన తాత అల్లు రామలింగయ్య,మెగాస్టార్ చిరంజీవి వారసత్వంగా ఇండస్ట్రీలోకి వచ్చి తన టాలెంట్ తో పాన్ ఇండియా హీరో అయ్యారు. మరి బండ్ల గణేష్ కు ఈ హీరో గుర్తు రాలేదా అంటూ బన్నీ ఫ్యాన్స్ ఫైర్ అవుతున్నారు.

వాళ్ళిద్దరూ టాలెంటెడ్ యాక్టర్స్ కాదా…

ఈ క్రమంలోనే పవన్ కళ్యాణ్ అభిమానులు సైతం బండ్ల గణేష్ ఓ ఆట ఆడుకుంటున్నారు.నిత్యం పవన్ కళ్యాణ్ పేరు నామస్మరణ చేసే బండ్ల గణేష్ పవన్ కళ్యాణ్ పేరు ఎలా మర్చిపోయారు అంటూ కామెంట్ చేస్తున్నారు. అయితే గత కొంతకాలం నుంచి పరోక్షంగా బండ్ల గణేష్ పవన్ కళ్యాణ్ ని ఉద్దేశిస్తూ ట్వీట్లు చేస్తున్నారు.ఈ క్రమంలోనే బండ్ల గణేష్ పవన్ కళ్యాణ్ మధ్య వ్యవహారం చెడిందనీ అందుకే ఇలాంటి విమర్శలు చేస్తున్నారంటూ మరికొందరు భావిస్తున్నారు. మొత్తానికి బండ్ల గణేష్ చేసిన ఈ ట్వీట్ కారణంగా మరోసారి వార్తల్లో నిలిచారు.