Pawan Kalyan: పవన్ వెంట సంచరిస్తున్న అనుమానాస్పద వ్యక్తులు.. అర్ధరాత్రి గొడవకు దిగిన యువకులు?

Pawan Kalyan:పవర్ స్టార్ పవన్ కళ్యాణ్ హీరోగా మాత్రమే కాకుండా జనసేన అధినేతగా రాష్ట్ర రాజకీయాలలో కూడా ఎంతో చురుగ్గా పాల్గొంటున్న విషయం మనకు తెలిసిందే.సాధారణంగా రాజకీయాలలో ప్రతి ఒక్కరికి ఎంతో మంది శత్రువులు ఉంటారనే విషయం మనకు తెలిసిందే. ఈ క్రమంలోనే పవన్ కళ్యాణ్ పట్ల కూడా పెద్ద ఎత్తున శత్రువులు ఉన్నారని ఆయన ప్రాణాలకు హాని ఉందంటూ జనసేన అభిమానులు ఆందోళన వ్యక్తం చేస్తున్నారు.

ఈ క్రమంలోనే వైసీపీ నేతలకు పవన్ కళ్యాణ్ కి మధ్య తీవ్రస్థాయిలో వాగ్వాదాలు చోటు చేసుకుంటున్న సంగతి మనకు తెలిసిందే. ఈ క్రమంలోనే కొంతమంది వ్యక్తులు పవన్ కళ్యాణ్ ప్రతి కదలికలను గుర్తుతెలియని వ్యక్తులు అనుసరిస్తున్నారు అంటూ పొలిటికల్ యాక్షన్ కమిటీ చైర్మన్ నాదెండ్ల మనోహర్ ప్రెస్ నోట్ విడుదల చేశారు.

ఈ సందర్భంగా ఆయన మాట్లాడుతూ ఈ మధ్యకాలంలో పవన్ కళ్యాణ్ ప్రయాణిస్తున్న వాహనం వెంట కొంతమంది వ్యక్తులు ఆయనని అనుసరిస్తూ అతని కదలికలను గమనిస్తున్నారని పేర్కొన్నారు. అయితే ఇలా ఆయన వెంట వెళ్లే వారంతా ఆయన అభిమానులు కాదంటూ నాదెండ్ల మనోహర్ తెలియ చేశారు.

Pawan Kalyan: పవన్ ఇంటి ముందు గొడవకు దిగిన యువకులు…

సోమవారం అర్ధరాత్రి సమయంలో కొందరి యువకులు ఉద్దేశపూర్వకంగానే పవన్ కళ్యాణ్ ఇంటి ముందు కారును ఆపి అక్కడ ఉన్నటువంటి సిబ్బందితో గొడవ పడ్డారని ఈయన వెల్లడించారు. ఇలా పవన్ కళ్యాణ్ తో పాటు ఆయన సిబ్బందిని తీవ్ర అసభ్య పదజాలంతో తిట్టడమే కాకుండా వారిపై గొడవకు దిగడంతో తప్పనిసరి పరిస్థితులలో పవన్ కళ్యాణ్ సిబ్బంది పోలీసులకు ఫిర్యాదు చేశారు. ఈ క్రమంలోనే సీసీటీవీ ఫుటేజ్ ఆధారంగా కారు నెంబర్లను గుర్తించి ఆ యువకులను పోలీసులు అదుపులోకి తీసుకున్నారంటూ నాదెండ్ల మనోహర్ వెల్లడించారు.