Pavitra Lokesh: దయచేసి నన్ను నరేష్ ను సపోర్ట్ చేయండి.. ఇక్కడ మీడియాతో మాట్లాడుతూ నన్ను బ్యాడ్ చేస్తున్నారు: పవిత్ర లోకేష్

Pavitra Lokesh: ప్రస్తుతం టాలీవుడ్ ఇండస్ట్రీలో హాట్ టాపిక్ ఏదైనా ఉంది అంటే అది కేవలం పవిత్ర లోకేష్, నరేష్ ల సహజీవనం అని చెప్పాలి. గత కొంతకాలం నుంచి వీరిద్దరూ సహజీవనం చేస్తున్నారని, త్వరలోనే పెళ్లి కూడా చేసుకోబోతున్నారని వార్తలు వచ్చాయి.ఈ వార్తలు చక్కర్లు కొట్టడంతో సీన్లోకి నరేష్ మూడవ భార్య రమ్య ఎంటర్ అయ్యారు.

ఈ క్రమంలోనే రమ్య సోషల్ మీడియా వేదికగా బెంగళూరులో నటి పవిత్ర లోకేష్ గురించి సంచలన వ్యాఖ్యలు చేశారు. పవిత్ర లోకేష్ వల్లే మేము దూరం అయ్యాం అంటూ ఈమె చేస్తున్న వ్యాఖ్యలపై పవిత్ర లోకేష్ స్పందించారు.ఈ సందర్భంగా ఒక వీడియోలో పవిత్ర మాట్లాడుతూ తనకు నరేష్ కు సంబంధం ఉందా అనే విషయాన్ని దాటవేస్తూ.. నేను ఏంటో అందరికీ తెలుసు. నరేష్ గారు ఆయన ఫ్యామిలీ ఎలాంటిదో టాలీవుడ్ ప్రేక్షకులందరికీ తెలుసు.

రమ్య అనవసరంగా బెంగళూరుకు వచ్చి తనపై లేనిపోని ఆరోపణలు చేస్తున్నారని, ఒకవేళ తనకు తన భర్తతో కలిసి ఉండాలంటే ఆమె హైదరాబాదులోనే మీడియాతో మాట్లాడవచ్చు కానీ బెంగుళూరుకు వచ్చి ఇక్కడ మీడియాతో మాట్లాడుతూ నన్ను బ్యాడ్ చేశారని ఆరోపించారు. వారిద్దరి రిలేషన్ కి తాను అడ్డుగా ఉన్నానని, మేమిద్దరం పెళ్లి చేసుకున్నాం అంటూ లేనిపోని ఆరోపణలు చేశారు.

తన ఫ్యామిలీతో మాట్లాడి సమస్యను పరిష్కరించవచ్చు..

ఈ విధంగా రమ్య చేసిన ఆరోపణలు నన్ను ఎంతగానో బాధపెట్టాయి. ఈమె ఇక్కడకు వచ్చి నన్ను టార్గెట్ చేస్తూ నన్ను దోషిగా నిలపెట్టింది. రమ్య గారికి తన భర్త కావాలంటే హైదరాబాదులో తనకు పెద్ద ఫ్యామిలీ ఉంది. తన ఫ్యామిలీ పెద్దలతో కలిసి ఈ సమస్యను పరిష్కరించుకోవచ్చు. కానీ ఇలా నాపై ఆరోపణలు చేయడం బాధగా ఉంది. దయచేసి ఈ విషయంలో మీ అందరి సపోర్ట్ నాకు నరేష్ కి ఉండాలంటూ ఈమె వెల్లడించారు.ఇలా అందరి సపోర్ట్ నరేష్ కు తనకు ఉండాలని ఈమె చెప్పడంతో ఈ వీడియో వైరల్ అయింది.