Pop Singer Smitha : తెలుగులో మొట్ట మొదట పాప్ గాయనిగా తన కెరీర్ ప్రారంభించింది స్మిత. ఈటీవీ లో పాడుతా తీయగా ప్రోగ్రాం ద్వారా కెమరా ముందుకు వచ్చింది. 2000 సంవత్సరంలో పాప్ గాయనిగా ‘హై రబ్బా’ ఆల్బమ్ తో మంచి విజయాన్ని అందుకుంది. తరువాత వెను దిరిగి చూసుకునే పని లేకుండా వరుస విజయాలతో ముందుకు వెళ్ళింది. గాయని గానే కాకుండా మల్లీశ్వరి, ఆట సినిమాలలో నటించింది స్మిత. తెలుగు సినిమాలలో ప్లే బ్యాక్ సింగర్ గానే కాకుండా స్మిత వ్యాపార రంగంలో కూడా రాణిస్తోంది. అంతేకాకుండా గత కొన్ని సంవత్సరాలుగా ఇషా సంస్థలో వాలంటీర్ గా సేవలు అందిస్తోంది. మరోవైపు ఈ మధ్యనే మరోసారి టాక్ షో తో సందడి చేస్తోంది.
నా భర్తని నా ఫ్రెండ్స్ అంతా బావ అనే అంటారు…
స్మిత చిన్న వయసులోనే పాప్ సింగర్ గా ఎదిగి ఆ పైన ప్లే బ్యాక్ సింగర్ గా ఎన్నో పాటలను పాడారు. అవే కాకుండా సొంత వ్యాపారంలోనూ ఉన్న స్మిత తన వ్యక్తిగత జీవితం, భర్త, పాప గురించి రిసెంట్ గా ఒక ఇంటర్వ్యూలో పంచుకున్నారు. భర్త శశాంక్ తో తన వివాహం గురించి మాట్లాడుతూ వారిది ప్రేమ వివాహం అని అయితే మొదట ఇద్దరిలో ఎవరు ప్రపోజ్ చేసుకున్నారు అనేది మాకే తెలియదని, మా కామన్ ఫ్రెండ్స్ అందరం తనని బావ అని పిలిచేవాళ్లం అంటూ చెప్పారు.
నా ఫ్రెండ్ బావ అవడం వల్ల మొత్తం ఫ్రెండ్స్ అంతా అలానే పిలుస్తామని, ఇప్పటికీ అలానే బావ అని పిలుస్తున్నట్లు తెలిపారు. అలా నా ఫ్రెండ్స్ అంతా కూడా ఇప్పటికీ నా భర్తను బావ అనే పిలుస్తారు అంటూ చెప్పారు. ఇక తాను వ్యాపారం చేసుకుంటున్న తనకి మ్యూజిక్ అంటే చాలా ఇష్టమని, నేను పాడుతుంటే ఇంకా ఇష్టం అంటూ స్మిత తెలిపారు.
