Prabhas: ప్రభాస్ చేతికి సర్జరీ… ఆందోళన చెందుతున్న అభిమానులు..! అసలేమైందంటే?

Prabhas: టాలీవుడ్ ఇండస్ట్రీకి చెందిన ప్రముఖ స్టార్ హీరోలు ఈ మధ్య వరుసగా సర్జరీలు చేయించుకుంటున్నారు. ఈ క్రమంలోనే అభిమానులు ఈ విషయం పై తీవ్ర ఆందోళన చెందుతున్నారు. సాధారణంగా ఒక సినిమా తీయాలంటే తెరవెనుక ఆ హీరో ఎంతో కష్టపడాల్సి ఉంటుందనే విషయం మనకు తెలిసిందే.

ఇలా సినిమా కోసం కష్టపడుతున్న సమయంలో కొన్నిసార్లు ప్రమాదాలు జరుగుతూ ఉండటం సర్వసాధారణం.ఇలాంటి ప్రమాదాల కారణంగా హీరోలు సర్జరీలు చేయించుకుంటూ ఉన్నారు. ఈ క్రమంలోనే ఇప్పటికే యంగ్ టైగర్ ఎన్టీఆర్ చేతి వేలికి సర్జరీ చేయించుకోగా, సూపర్ స్టార్ మహేష్ బాబు మోకాలికి సర్జరీ చేయించుకున్న సంగతి మనకు తెలిసిందే.

అదే విధంగా స్టార్ హీరోలైన నందమూరి బాలకృష్ణ అలాగే, మెగాస్టార్ చిరంజీవి కూడా వారి చేతికి సర్జరీలు చేయించుకున్న విషయం మనందరికీ తెలిసిందే.ఇదిలా ఉండగా తాజాగా యంగ్ రెబల్ స్టార్ ప్రభాస్ సైతం మరి కొద్ది రోజులలో సర్జరీ చేయించుకోనున్నట్లు తెలుస్తోంది.

సర్జరీ కోసం యూఎస్ వెళ్లనున్న ప్రభాస్…

ప్రభాస్ కిగత కొద్ది రోజుల క్రితం చేతికి గాయం కావడంతో తనకు ఆ నొప్పి తీవ్రంగా వేధిస్తోందని తెలుస్తోంది.ఈ క్రమంలోనే నొప్పి నుంచి ఉపశమనం పొందడానికి ప్రభాస్ సర్జరీ చేయించుకోవాలని భావించినట్లు సమాచారం. ఈ క్రమంలోనే ప్రభాస్ సర్జరీ కోసం యూఎస్ వెళ్తున్నారని తెలుస్తోంది. ప్రస్తుతం వరుస సినిమాలతో ప్రభాస్ ఎంతో బిజీగా గడుపుతున్నారని చెప్పవచ్చు.