Prabhas:టాలీవుడ్ ఇండస్ట్రీలో మోస్ట్ ఎలిజిబుల్ బ్యాచిలర్ గాను ఫాన్ ఇండియా స్టార్ హీరోగా ఎంతో పేరు ప్రఖ్యాతలు సంపాదించుకున్నటువంటి ప్రభాస్ పెళ్లి గురించి తరచూ ఎన్నో ప్రశ్నలు తలెత్తుతూ ఉంటాయి. పెళ్లి వయసు దాటిపోయిన ఈయన ఇంకా పెళ్లి గురించి ఆలోచించకపోవడంతో అభిమానులు తరచూ ప్రభాస్ పెళ్లి గురించి ప్రశ్నిస్తూ ఉంటారు.

ఈ క్రమంలోనే ప్రభాస్ ఫలానా హీరోయిన్ తో ప్రేమలో ఉన్నారంటూ తరచూ ఈయన పెళ్లి గురించి ఎన్నో రకాల వార్తలు వస్తున్నప్పటికీ ఈ వార్తలలో ఏ మాత్రం నిజం లేదని తెలిసిపోతుంది. అయితే తాజాగా ప్రభాస్ పెళ్లి గురించి చేసినటువంటి కామెంట్స్ ప్రస్తుతం వైరల్ అవుతున్నాయి. ప్రభాస్ కృతి సనన్ జంటగా ఆది పురుష్ సినిమా ద్వారా ప్రేక్షకుల ముందుకు రాబోతున్నారు.

ఈ సినిమా జూన్ 16వ తేదీ విడుదల కానున్న నేపథ్యంలో తిరుపతిలో ప్రీ రిలీజ్ వేడుకను నిర్వహించారు. ఈ కార్యక్రమంలో భాగంగా ప్రభాస్ సినిమా గురించి మాట్లాడుతూ పలు విషయాలను వెల్లడించారు. ఈ సినిమాలో నటించడం నిజంగా నా అదృష్టమని ప్రభాస్ తెలిపారు. ఇలా ప్రభాస్ మాట్లాడుతూ ఉండగా తన పెళ్లి గురించి ప్రశ్నలు ఎదురయ్యాయి.

Prabhasఎప్పుడు జరిగిన తిరుపతిలోనే…

ప్రభాస్ మాట్లాడుతూ ఉన్న సమయంలోనే అన్నా పెళ్లెప్పుడు అంటూ అభిమానులు గట్టిగా కేకలు వేయడంతో తన పెళ్లి ఎప్పుడు జరిగినా కూడా తిరుపతిలోనే జరుగుతుంది అంటూ ఈ సందర్భంగా ప్రభాస్ పెళ్లి గురించి చేసిన ఈ కామెంట్స్ వైరల్ అవుతున్నాయి. అయితే ప్రభాస్ ఈ శుభవార్తను ఎప్పుడూ చెబుతారోనని అభిమానులు ఎదురుచూస్తున్నారు.