Pruthvi Raj : నన్ను స్టంట్ మాన్ కూడా మోయలేక పోయాడు కానీ బాలకృష్ణ నన్ను ఎత్తుకుని పరిగెత్తారు… తెలుగు ఇండస్ట్రీలో నాకు ఇష్టమైన హీరో అతనే : పృథ్వీ

Pruthvi Raj : రుక్కు రుక్కు మని రమనిస గుణమని పాట అనగానే గుర్తొచ్చే పేరు పృథ్వీ. ఆ పాట వచ్చి ఎన్నేళ్లయినా ఇప్పటికీ ఆయనను పెళ్లి సినిమా పృథ్వీ గానే గుర్తుపడతారు తెలుగు ప్రేక్షకులు. సినిమాలతో మొదలు పెట్టి సీరియల్స్ లోకి వెళ్లి తమిళ సీరియల్స్ తో బాగా ఫేమస్ అయిన పృథ్వీ తెలుగులో మాత్రం పెళ్లి పృథ్వీగా బాగా ఫేమస్ అయ్యాడు. పెళ్లి సినిమా కంటే ముందే పృథ్వీ తెలుగులో సినిమాలు చేసిన పెళ్లి సినిమాతో వచ్చిన ఫేమ్ వల్ల పెళ్లి పృథ్వీ గా పేరు తెచ్చుకున్నాడు. ఆ తరువాత అడపాదడపా సినిమాలు చేసినా మళ్ళీ సమర సింహ రెడ్డి, మన్మధుడు, చెన్నకేశవ రెడ్డి వంటి సినిమాలతో మంచి పేరు తెచ్చుకున్నాడు. హీరోగానే నటించాలనే నియమేమి పెట్టుకోకుండా ఇతర హీరోల సినిమాలలో కూడా నటించాడు పృథ్వీ. అయితే చాలా గ్యాప్ తీసుకుని మళ్ళీ చాలా కాలం తరువాత రీఎంట్రీ ఇచ్చిన పృథ్వీ గారు పలు ఇంటర్వ్యూల్లో ఆసక్తికర విషయాలు మాట్లాడారు.

అలా ఎలా మొశారని అడిగాను…

బాలకృష్ణను అన్న అని పిలిచే అలవాటు ఉంది అంటూ ఆయన గురించి పృథ్వీ గారు మాట్లాడారు. సమర సింహ రెడ్డి సినిమాలో వాసు అనే కీలకపాత్రలో నటించిన పృథ్వీ ఆ సినిమాలో జరిగిన ఒక సంఘటన పంచుకున్నారు. సినిమాలో వాసు పాత్రను కత్తితో పొడిస్తే హీరో చేతుల్లో ఎత్తుకుని తీసుకెళ్లే సీన్ ఉంది. అయితే స్టంట్ మాన్ పృథ్వీ ని పైకి ఎత్తి బరువుగా ఉన్నావు ఎత్తడం కావడం లేదని అన్నారు. ఇక బాలకృష్ణ కు డూప్ పెట్టి జూమ్ లో చూపిద్దాం అంటే 85 కేజీల బరువును ఆయన ఎత్తుకుని పరిగెత్తారు.

బాలకృష్ణ గారి దగ్గరకు వెళ్లి ఎలా ఎత్తారు అసలు అంటే నేను కాదు మోసింది సమరసింహా రెడ్డి అని చెప్పారు. ఇక మళ్ళీ ఆయనతో చెన్నకేశవ రెడ్డి, కథానాయకుడు సినిమాల్లో నటిచాను, ‘అన్నా’ అనే పిలుస్తాను ఆయన అంటే చాలా ఇష్టం అంటూ చెప్పారు పృథ్వీ. ఇక తెలుగులో ఇష్టమైన హీరో అంటే బాలకృష్ణ అంటూ చెప్పారు. సీనియర్ ఎన్టీఆర్ గారు అప్పటి హీరోల్లో నెక్స్ట్ జనరేషన్ లో బాలకృష్ణ గారు ఆ తరువాత జూనియర్ ఎన్టీఆర్ అంటే ఇష్టం అంటూ చెప్పారు. ఆ కుటుంబాలోని ముగ్గురు హీరోలు నాకు ఇష్టం అని చెప్పారు. ఆ ముగ్గురితోనూ నటించారు పృథ్వీ.