Pushpa 2: అంతా బానే ఉంది కానీ, ఆ సినిమా రికార్డులను మాత్రం టచ్ చేయలేకపోతున్న పుష్ప2!

Pushpa 2: ఐకాన్ స్టార్ అల్లు అర్జున్ రష్మిక హీరో హీరోయిన్లుగా సుకుమార్ దర్శకత్వంలో ప్రేక్షకుల ముందుకు వచ్చిన చిత్రం పుష్ప 2. ఈ సినిమా డిసెంబర్ ఐదవ తేదీ పాన్ ఇండియా స్థాయిలో ప్రేక్షకుల ముందుకు వచ్చి ఎంతో అద్భుతమైన విజయాన్ని సొంతం చేసుకుంది. ప్రస్తుతం పాన్ ఇండియా స్థాయిలో ఈ సినిమా అద్భుతమైన కలెక్షన్లను రాబడుతున్న సంగతి తెలిసిందే.

ఇలా ఇప్పటికే 1700 కోట్లకు పైగా గ్రాస్ కలెక్షన్స్ రాబట్టిన ఈ సినిమా అతి త్వరలోనే RRR దంగల్ సినిమా రికార్డులను కూడా బద్దలు కొడుతుందని ట్రేడ్ నిపుణులు భావిస్తున్నారు. ఇలా పాన్ ఇండియా స్థాయిలో ఎంతో మంచి సక్సెస్ అందుకున్న ఈ సినిమా రెండు తెలుగు రాష్ట్రాలలో మాత్రం ఎన్టీఆర్, రామ్ చరణ్ నటించిన ఆర్ఆర్ఆర్ సినిమా రికార్డును మాత్రం టచ్ కూడా చేయలేకపోతోంది.

రెండు తెలుగు రాష్ట్రాల్లో ఆర్ఆర్ఆర్ సినిమా ఏకంగా 270 కోట్ల రూపాయలు షేర్ కలెక్షన్స్ రాబట్టింది. ఇప్పటివరకు ప్రేక్షకుల ముందుకు వచ్చిన కల్కి సలార్ దేవర వంటి సినిమాలు కూడా ఈ రికార్డును టచ్ చేయలేకపోయాయి అయితే ఈ రికార్డును మాత్రం పుష్పరాజ్ చేస్తారని అందరూ భావించారు కానీ ఆయన వల్ల కూడా కాలేదని తెలుస్తోంది. ఇప్పటివరకు రెండు తెలుగు రాష్ట్రాలలో పుష్ప 2 సినిమాకు రూ.210 కోట్ల షేర్ వచ్చింది. రాబోయే కలెక్షన్లు కలుపుకున్నా మరో రూ.10 కోట్లకు మించి రావని భావిస్తున్నారు.

రాజమౌళి వల్లే సాధ్యం..
ఇలా మరో 10 కోట్ల రూపాయలు అదనంగా వచ్చిన 220 కోట్ల షేర్ వరకే ఆగిపోతుంది తప్ప RRR సినిమా రికార్డును టచ్ చేయడానికి 50 కోట్ల షేర్ వద్దనే ఆగిపోతుందని తెలుస్తోంది. మరి ఈ సినిమా రికార్డును బద్దలు కొట్టాలి అంటే తిరిగి రాజమౌళి మహేష్ బాబు కాంబినేషన్లో రాబోయే సినిమానే RRR రికార్డులను టచ్ చేస్తుందని ట్రేడ్ నిపుణులు భావిస్తున్నారు.