విడుదలకు ముందే పుష్ప రికార్డు.. శాటిలైట్ రైట్స్ భారీ ధరకు సేల్..!

స్టైలిష్ స్టార్ అల్లు అర్జున్ ఇది.. ఒకప్పుడు. ప్రస్తుతం ఐకాన్ స్టార్ గా మారాడు. డైరెక్టర్ సుకుమార్ దర్శకత్వంలో తెరకెక్కుత్తున్న పాన్ ఇండియా సినిమా పుష్ప. ప్రస్తుతం దీనికి సంబంధించిన సినిమా షూటింగ్ దాదాపు పూర్తికావొచ్చింది. ఐదు భాషల్లో తెరకెక్కిుతున్న ఈ సినిమా డిసెంబర్ 17 న విడుదల చేసేందుకు ప్లాన్ చేశారు.

అయితే సుకుమార్ దర్శకత్వంలో అల్లు అర్జున్ నటిస్తున్న ఈ మూవీ.. మూడోది. ఆర్య, ఆర్య 2 మరియు పుష్ప. ఈ క్రేజీ పాన్ ఇండియా మూవీని మైత్రీ మూవీస్, ముత్తంశెట్టి మీడియా కలిసి నిర్మిస్తున్నాయి. రష్మిక మందన్న కథానాయిక.. వర్సటైల్ మలయాళీ యాక్టర్ ఫాహద్ ఫాజిల్, సునీల్, అనసూయ భరద్వాజ్ తదితరులు నెగిటివ్ రోల్స్ చేస్తున్నారు.

ఇక దీనిలో స్టార్ హీరోయిన్ సమంత ఐటెం సాంగ్ చేస్తున్న విషయం తెలిసిందే. ఇటీవల ఈ సినిమా నుంచి మూడు పాటలను విడుదల చేశారు. వీటికి విపరీతమైన పాజిటివ్ రెస్పాన్స్ వచ్చింది. ఇక రేపు మరో పాటు ‘ఏయ్ బిడ్డా.. ఇది నా అడ్డా’ అనే సాంగ్ ను విడుదల చేయనున్నారు. ఈ సినిమాకు ఇప్పటికే భారగీ ప్రమోషన్స్ ను మొదలు పెట్టేశారు.

ఇదంతా ఇలా ఉంటే.. ఈ సినిమాకు సంబంధించి థియేట్రికల్ అండ్ శాటిలైట్ రైట్స్ భారీ రేటుకు సేల్ అయిపోయింది. తమిళనాడు థియేట్రికల్ రైట్స్ పాపులర్ ప్రొడక్షన్ హౌస్ లైకా ప్రొడక్షన్ రూ. 6.5 కోట్లకు దక్కించుకుంది. అలాగే మలయాళం శాటిలైట్ రైట్స్ ఏషియా నెట్ ఫ్యాన్సీ ధరకు దక్కించుకుంది. ఇక హిందీ హిందీ డిస్ట్రిబ్యూటర్స్ థియేటర్లలో విడుదల చేయడానికి అంగీకరించారు.